पृथ्वी दिन हा पृथ्वीच्या पर्यावरणाच्या संवर्धनासाठी जागृती करण्यासाठी हा दिवस जगभर पाळण्यात येतो. अमेरिकेत २२ एप्रिल रोजी हा दिन पाळला जातो, तर संयुक्त राष्ट्रे २० मार्च रोजी, म्हणजे सूर्य पृथ्वीच्या विषुववृत्ताच्या थेट समोर असण्याच्या दोन बिंदूपैकी एका बिंदूशी पोचण्याच्या दिवशी, संपातबिंदू पॄथ्वी दिन पाळतात.

पृथ्वी दिनासाठी जॉन मक्डॉनेल याने बनवलेला अनधिकृत ध्वज

पर्यावरणरक्षणाची शिकवण देण्याच्या हेतूने अमेरिकेचा सिनेटर गेलॉर्ड नेल्सन याने २२ एप्रिल, इ.स. १९७० रोजी पहिल्यांदा पृथ्वी दिनाचे आयोजन केले. पहिला पृथ्वी दिन अमेरिकेत पाळला गेला, तरीही त्या कार्यक्रमाचा राष्ट्रीय समन्वयक असलेला डेनिस हेस याने स्थापलेल्या संस्थेने इ.स. १९९० साली १४१ देशांमध्ये या दिवसाचे आयोजन करून पृथ्वी दिन आंतरराष्ट्रीय स्तरावर नेला. सध्या अर्थ डे नेटवर्क या संस्थेच्या समन्वयाने १७५ देशांमधून हा दिवस साजरा केला जातो. इ.स. २००९ साली संयुक्त राष्ट्रांनी २२ एप्रिल हा दिवस आंतरराष्ट्रीय धरणीमाता दिन म्हणून पाळण्याची घोषणा केली.

जागतिक वसुंधरा दिन (Earth Day) हा दरवर्षी २२ एप्रिल रोजी साजरा केला जातो. १९७० सालापासून याची सुरुवात झाली.

उद्देश:

• पर्यावरणाचे संरक्षण करणे.
• नैसर्गिक साधनसंपत्ती जतन करणे.
• पृथ्वीवरील जीवनाचे रक्षण करणे.
• पर्यावरणाविषयी जागरूकता वाढवणे.

या दिवशी अनेक लोक वृक्षारोपण, स्वच्छता मोहीम, जनजागृती कार्यक्रम अशा विविध उपक्रमांमध्ये भाग घेतात.

महत्व:

• हा दिवस पर्यावरणाचे महत्व दर्शवतो.
• नैसर्गिक संसाधनांचे संरक्षण करण्यासाठी लोकांना प्रोत्साहित करतो.
• पृथ्वीला एक चांगले ठिकाण बनवण्यासाठी प्रेरणा देतो.

संदर्भ:

1. Earth Day Official Website