गव्हाचे पीठ आणि मैदा रोटी बनवण्यासाठी वापरले जाते. तुम्हाला हे माहीत आहे का ? की मैदा हा देखील गव्हापासूनच बनविला जातो , तरीही मैदा आरोग्यासाठी हानिकारक का आहे ? तर आज आपण जाणून घेणार आहोत मैदा की गव्हाचे पीठ आरोग्यासाठी काय स्वास्थवर्धक आहे. सर्वात प्रथम आपण जाणून घेणार आहे , गव्हाचे पीठ कसे बनविले जाते. गव्हाचे पीठ बनविताना गहू थेट दळला जातो आणि त्याची पिठी बनविली जाते. परंतु मैदा बनविताना वेगळी पद्धत वापरली जाते. मैदा बनविण्यासाठी गहुच वापरला जातो पण जेव्हा गहू वापरला जातो तेव्हा सर्वप्रथम गव्हावरील सर्व साल काढली जाते. त्या नंतर त्या सालीच्या आतमध्ये जो पांढरा भाग असतो तो अगदी बारीक दळला जातो. अशा प्रकारे मैदा बनविला जातो. गव्हाच्या सालीमध्ये फॉलिक अॅसिड , विटामीन ई , विटामीन बी 6 आणि बी कॉम्प्लेक्स जसे की मैग्नीशियम, मैग्नीज़, जिंक आधी मोठ्या प्रमाणात असतात. हे सर्व आपल्या आरोग्यासाठी अतिशय उपयुक्त असतात. मैदा बनविताना नेमके हे सर्व गुणधर्म नाहीसे होतात ,त्यामुळे मैदा आरोग्यासाठी हानिकारक आहे.