जेवताना किंवा खाताना असा ठसका का लागतो याचं कारण तुम्हाला माहित आहे का? आपण खाल्लेलं अन्न ज्यावेळी अन्ननलिकेऐवजी श्वसननलिकेत जातं त्यावेळी अचानक ठसका लागतो.

खो-खो.अरे ठसका लागला.वर बघ वग बघ..एखाद्याला जेवताना किंवा काही काताना ठसका लागला की अनेकजण असं म्हणतात. मात्र जेवताना किंवा खाताना असा ठसका का लागतो याचं कारण तुम्हाला माहित आहे का? आपण खाल्लेलं अन्न ज्यावेळी अन्ननलिकेऐवजी श्वसननलिकेत जातं त्यावेळी अचानक ठसका लागतो. अशावेळी श्वास घ्यायला देखील त्रास जाणवतो.

चुकून श्वासनलिकेत अन्न गेल्यास नेमकं काय होतं?

चुकून अन्न, पाणी अन्ननलिकेऐवजी श्वासनलिकेत जाण्यास अॅस्पिरेशन (aspiration) म्हटलं जातं. आपल्या घसाचे स्नायू हे अन्न अन्ननलिकेत ढकलतात. जेणेकरून तुमच्या श्वासनलिकेत खाल्लेलं अन्न जाणार नाही. याशिवाय श्वासनलिकेत जाऊ नये यासाठी वोकल कॉर्ड आणि इपिग्लॉटीस (vocal cords and epiglottis) देखील मदत करतात.

अन्न श्वासनलिकेत गेल्यावर शरीरात का बदल होतात?

ज्यावेळी आपल्या अन्न श्वसनलिकेत जातं त्यावेळी शरीर आपोआप हृदयाचे ठोके आणि रक्तदाब नियंत्रणात आणण्यास मदत करतं. याचदरम्यान अचानक आपल्याला खोकला येतो आणि झालेला बदल पूर्ववत होतात.

क्लिवलँड क्लिनिकचे डॉ. बोहडॅन पिच्युर्को यांच्या सांगण्यानुसार, "श्वसनलिकेत चुकून अन्न गेलं तर प्रथम आपल्याला ठसका लागतो. जर इतर कोणती गोष्ट श्वासनलिकेत गेली असल्यास शरीरातील ऑकसिजनची पातळी कमी होते. आणि त्याचा त्रास अधिक प्रमाणात होत असल्यास वेळीच डॉक्टरांची मदत घ्यावी."