घरातली छोटी-मोठी कामे करताना बऱ्याचदा चटका बसतो किंवा भाजते. विशेषत: स्वयंपाकघरात काम करताना उकळते पाणी किंवा तेल अंगावर पडून भाजण्याचे प्रमाण अधिक असते. अशा वेळी दवाखान्यात जाण्याअगोदर काहीतरी घरगुती उपाय करणे आवश्यक असते. त्यासाठी हे काही उपाय नक्की करून पहा –

कोरफड – 

कोरफडीमुळे भाजलेल्या जागेला मऊपणा येऊन लवकर बरे वाटते. म्हणून भाजलेल्या जागेवर कोरफडीचा गर लावावा. कोरफडीचा मऊपणा आणणारा व त्वचा पूर्ववत करणारा गुणधर्म भाजलेल्या जागी थंडावा मिळण्यास मदत करतो. कोरफडीचा गर जखमेवर चिकटून राहत नाही, त्यामुळे कोरफडीचा ताजा गर जखमेवर ठेऊन बांधावा. कोरफडीच्या ताज्या गरामुळे भाजलेली वेदनादायी जखम लवकर बरी होते व भाजल्याचे डागही राहत नाहीत.


मध –

भाजल्यावर प्रथमोपचार म्हणून मध लावतात, हे अनेक जणांना माहीत असते. मध लावल्यामुळे जखम लवकर बरी होऊन डाग पडण्याची शक्यता कमी होते. मध उत्तम अँटि-सेप्टिक असल्याने जखम लवकर भरून येण्यास मदत होते.


दही –

भाजल्यानंतर साधारणत: अर्ध्या तासानंतर जखमेवर दही लावावे. दह्यामुळे जखम थंड पडण्यास मदत होते.







–    चटका बसलेले ठिकाण थंड पाण्याने धुवा.

–    थंडपाण्याने धुतल्यावर त्या ठिकाणी हळद लावा.

–    बारीक वाटलेल्या बटाट्याचा लेप चटका बसलेल्या ठिकाणी लावा त्यामुळे ठणक कमी होईल.

–    तुळशीच्या पानाच रस चटका बसलेल्या ठिकाणी लावल्यास जळजळ कमी होते.

–    तिळ बारीक वाटून त्याचा लेप बनवा तो जखमेच्या ठिकाणी लावा. जखम दुखणार नाही. तसेच, चटका बसल्याच व्रणही निघून जाण्यास मदत होईल.

–    गाईचे तुप पीतळी भांड्यात घेऊन त्यात राईचे तेल आणि पाण्याचा थेब एकत्र मिसळून त्याचा मलम बनवा. तो हलक्या हाताने जखमेच्या ठिकाणी लावा.

–    गाजर बारीक खिसून जखमेवर लावले तरीही आराम मिळतो.

–    खोबरेल तेलाचे काही थेंब जखमेवर लावले तरीही चांगलाच आराम मिळतो.

घरात स्वयंपाक करताना चटके किंवा भाजते ही असतं. तर चटका बसला असेल तर लगेच, स्वंयपाक करताना पाणी पडलेले असते तर तिथेच जरासं मीठ घेऊन लावावे. चटक्याची दाह जळजळ थांबते. आणि भाजलेले असेल तर लगेच खोबरेल तेल आणि खाण्याचा चुना घेऊन त्याच मलम बनवून लावावे. लावल्या बरोबर जळजळ थांबतेच आणि लगेच भाजलेले कळत देखील नाही. डाग वगैरे काही ही दिसत नाही आणि हे कस ही भाजलेले असले तरीही हा उपाय करावा. हा उपाय गावच्या ठिकाणी सर्रास केला जातो. टुथ पेस्ट, खोबरेल तेल, मध हे तर घरगुती उपाय आहेत.