आपल्या मेंदूमध्ये हिपोकॅम्पस(Hippocampus) हे एक स्मरणशक्तीचे केंद्र असते. या केंद्रामधेच स्मरणशक्ती साठीच्या पेशी(Brain Cells) तयार होत असतात. या पेशी जर योग्य प्रमाणात तयार झाल्या तर स्मरणशक्ती चांगल्या प्रमाणात वाढू शकते असे शास्त्रज्ञांचे मत आहे.

*🧠स्मरणशक्ती वाढवण्याचे  उपाय!*
----–----------------------
बदलत्या जीवनशैलीमुळे ताण-तणाव, नैराश्य यांसारख्या समस्या उद्भवतात. त्याचबरोबर स्मरणशक्ती कमजोर होण्याची समस्याही निर्माण झाली आहे. जीवनशैलीत काही बदल केल्यास या समस्या दूर होऊ शकतात. जाणून घ्या स्मरणशक्ती वाढवण्याचे काही सोपे उपाय...

*सकाळी लवकर उठणे:*
सकळी लवकर उठण्याचे इतर अनेक फायदे आहेत. पण सकाळी लवकर उठून मोकळ्या वातावरणात फिरल्यास स्मरणशक्ती मजबूत होण्यास मदत होईल. रोज सकाळी लवकर उठून हिरवळीवर चालल्यास दृष्टी सुधारण्यास मदत होते.


*डाळींब आणि सफरचंदाचे सेवन:*
फळात अॅँटीऑक्सिडेंट असतात. ज्यामुळे मेंदू सक्रीय राहण्यास मदत होते. यामुळे मेंदू सतेज ठेवण्यासाठी आणि स्मरणशक्ती वाढण्यासाठी डाळींब आणि सफरचंदाचे सेवन करणे गरजेचे आहे.

*अक्रोड:*
मेंदू सतेज ठेवण्यासाठी रोज एक अक्रोड खाणे गरजेचे आहे. यात व्हिटॉमिन ए आणि अॅँटीऑक्सीडेंट्स असतात. ज्यामुळे स्मरणशक्ती सुधारते.

*ग्रीन टी:*
मानसिक शांतीसाठी चहा, कॉफी ऐवजी ग्रीन टी घेणे फायदेशीर ठरेल. ग्रीन टी मुळे मेंदू रिलॉक्स होतो .