मी आरसा बोलतोय! समोर पाहतो तर काय चक्क आरसा माझ्याशी बोलत होता. मी थोडा घाबरलो हे कसे शक्य आहे. परंतु आरसा मला समजावीत सांगू लागला. घाबरू नको, खूप दिवसांपासून मला तुझ्याशी बोलायचं होतं. आणि आज मला संधी मिळाली.

अरे, जेव्हा मानव उत्क्रांतीच्या पहिल्या पायरीवर होता, तेव्हा मानवाजवळ अन्न, वस्त्र व निवारा तर होताच. परंतु मनुष्याने स्वतःचे प्रतिबिंब पहिल्यांदा पाण्यात पाहिले. तेव्हा त्याला आपले रूप लक्षात आले. यानंतर पाण्यातून काचेचा व काचेतून माझा जन्म झाला. आधीच्या काळात प्रतिमा पाहण्यासाठीचे एकमेव साधन पाणीच होते. कालांतराने माझे रूप बदलत गेले. आज माझी अनेक रूपे आहेत, अनेक प्रकारात मी उपलब्ध आहे अंतर्गोल, बहिर्गोल, सपाट, गोल मोटरीचा आरसा, घरातला लहान आरसा, महलातील मोठे आरसे ही सर्व माझीच भावंडे आहेत, फक्त आमचे आकार व रूप वेगवेगळे आहे.

तुमच्या दैनंदिन जीवनशैलीत तुम्ही अनेक जीवनावश्यक गोष्टींचा वापर करीत असाल. त्याच आवश्यक गोष्टींपैकी एक आहे मी म्हणजेच आरसा. कारण आज-काल घरातून बाहेर पडणारा प्रत्येक व्यक्ती मग ती स्त्री असो वा पुरूष प्रत्येक जण एकदा तरी आरशात आपला चेहरा हा पाहतो. मी माझ्या मध्ये लोकांना त्यांचे स्वरूप दाखवतो. माझ्यामध्ये आपली प्रतिमा पाहून लोक आनंदित होतात. मी नेहमी लोकांना त्यांच्या वास्तविक स्वरूपाची ओळख करून देतो. मी नेहमी सत्यच दाखवतो. स्त्रिया तर त्यांच्या सौंदर्याकडे पाहत तासन्तास माझ्यासमोर उभ्या असतात. 

सुंदर लोक तर माझ्यासमोर तासन्तास बसतात परंतु जे लोक दिसण्यात कुरूप आहेत किंवा ज्यांचा चेहरा काय कारणास्तव खराब आहे असे लोक माझ्यापासून दूर पडतात. स्वतःचा चेहरा आरशात पाहिल्यावर त्यांना इतरांपेक्षा कमीपणाची भावना निर्माण होते. परंतु अश्या सर्व लोकांना माझे सांगणे आहे की सत्यापासून दूर पळून काहीही फायदा नाही. आपल्याकडे सौंदर्य नसल्याच्या सामना करा,कारण सुंदर शरीरापेक्षा सुंदर मन आणि विचार खूप मोठे असतात. माझे कार्य तर फक्त बाह्य सौंदर्य दाखवणे आहे. आतील सौंदर्य तर तुमचा व्यवहार आणि वागणुकीतून लक्षात येते. 

असो, याशिवाय तुला माहित आहे का, की मी तुमचा साठी किती उपयोगी पडतो? नाही माहित असेल तर ऐक, बऱ्याच ठिकाणी सजावटीसाठी मला वापरले जाते. फोटो स्टुडिओ तसेच पार्लरमध्ये मी अति आवश्यक भूमिका बजावतो. आज जगभरात माझ्यामुळेच अनेक शास्त्रज्ञांनी शोध लावले आहेत. भौतिकशास्त्रातील प्रकाशाचे नियम माझ्यामुळेच समजता आले आहेत. याशिवाय तुम्ही जी मोटरसायकल किंवा मोटार गाडी चालवता त्यालाही मी लटकलेला असतो. माझ्यामुळेच तुम्हाला मागून येणाऱ्या गाड्यांचा अंदाज लागतो. जर मी नसतो तर गाडीवर जात असताना पुन्हा पुन्हा मागे मान वळवून पाहावे लागले असते. ज्यामुळे अपघाताचे प्रमाण वाढले असते.

परंतु चिंता करू नको मी कधीही तुम्हाला सोडून जाणार नाही. कारण मनुष्याची सेवा करणे माझे कर्तव्य आहे. मला इतरांना मदत करण्यात खूप आवडते. परंतु एका गोष्टीची मला खूप खंत वाटते की,आज-काल मला पुसण्यासाठी रासायनिक द्रव्यांचा वापर केला जातो ज्यामुळे मला इजा होते. म्हणून मला पुसण्यासाठी रासायनिक द्रव्य न वापरता स्वच्छ कपड्याने पुसत जा. बरं!! येतो मग मी आता. पुन्हा भेटूया... धन्यवाद.

***

शीर्षक: आरशाचे मनोगत

परिच्छेद 1:

• आरसा स्वतःची ओळख करून देईल.
• तो कशाचा बनलेला आहे आणि त्याचे कार्य काय आहे, हे सांगावे.
• उदाहरणार्थ: "मी आरसा आहे. मला काचेच्या पृष्ठभागावर चांदीचा मुलामा चढवून बनवले आहे. माझे काम आहे प्रकाश परावर्तित करणे आणि लोकांना त्यांचे प्रतिबिंब दाखवणे."

परिच्छेद 2:

• आरसा त्याच्या आजूबाजूच्या जगाचे निरीक्षण कसे करतो.
• विविध लोक आरशासमोर कसे वागतात.
• उदाहरणार्थ: "मी माझ्यासमोर येणाऱ्या लोकांचे हावभाव, त्यांचे बदलते रंगरूप आणि त्यांच्या चेहऱ्यावरील हावभाव पाहतो. काहीजण मला पाहून आनंदी होतात, तर काहीजण स्वतःच्या दिसण्याबद्दल नाराज असतात."

परिच्छेद 3:

• आरसा भूतकाळातील आणि वर्तमानातील आठवणी सांगतो.
• त्याने पाहिलेल्या ऐतिहासिक घटना किंवा प्रसिद्ध व्यक्तींबद्दल त्याचे विचार.
• उदाहरणार्थ: "मी अनेक पिढ्या पाहिल्या आहेत. मी लहान मुलांना मोठे होताना पाहिले आहे आणि वृद्ध लोकांच्या चेहऱ्यावरील बदल पाहिले आहेत. मी इतिहासाचा साक्षीदार आहे."

परिच्छेद 4:

• आरसा लोकांना काय संदेश देऊ इच्छितो.
• आत्म-स्वीकृती आणि सकारात्मक दृष्टिकोन ठेवण्याचे महत्त्व.
• उदाहरणार्थ: "मी लोकांना सांगू इच्छितो की त्यांनी स्वतःला जसे आहेत तसे स्वीकारावे. बाह्य सौंदर्य क्षणभंगुर आहे, पण आंतरिक सौंदर्य अधिक महत्त्वाचे आहे."

परिच्छेद 5:

• आरसा त्याच्या भविष्यातील इच्छा व अपेक्षा व्यक्त करतो.
• तंत्रज्ञानातील प्रगतीमुळे आरशाच्या स्वरूपात काय बदल होऊ शकतात याबद्दल त्याचे मत.
• उदाहरणार्थ: "मला आशा आहे की भविष्यात मी लोकांना केवळ त्यांचे प्रतिबिंब दाखवणार नाही, तर त्यांना त्यांच्या जीवनातील ध्येय साध्य करण्यासाठी मार्गदर्शन करेन."

टीप: निबंध लिहिताना, भाषेचा योग्य वापर करा आणि आपले विचार स्पष्टपणे मांडा.