छावा ही शिवाजी सावंत यांनी लिहिलेली मराठी कादंबरी आहे. छत्रपती संभाजीराजे भोसले यांच्या जीवनपटावर ही कादंबरी लिहीली आहे. छत्रपती संभाजी महाराज हे छत्रपती शिवाजी महाराज यांचे थोरले चिरंजीव. छत्रपती संभाजी महाराज हे महाराष्ट्राच्या इतिहासातील एक अजरामर नाव आहे. हे फार पराक्रमी होते. असे म्हणतात की ते एक-दोनच नव्हे, तर एकाच वेळी पाच आघाड्यांवर शत्रूंशी मुकाबला करीत. छत्रपती संभाजी महाराजांवर अनेक लेखकांनी चांगले-वाईट लिखाण केले. या लिखाणांत मराठी कादंबरीकार शिवाजी सावंत यांनी लिहिलेल्या 'छावा' या कादंबरीचा समावेश होतो.