💁‍♂ _*जाणून घ्या 'मिशन शक्ती' ऑपरेशन काय आहे?*_


_पंतप्रधान नरेंद्र मोदी यांनी दिल्लीत देशाला संबोधित करताना मिशन शक्तीची माहिती दिली. पण नेमकं 'मिशन शक्ती' ऑपरेशन काय आहे? याबाबत जाणून घेऊयात..._

🧐 _*'मिशन शक्ती' ऑपरेशन काय?*_ :

▪ _भारताने एका एन्टी सॅटेलाईट हत्याराद्वारे (Anti-satellite weapon) पृथ्वीच्या खालच्या कक्षेत (एलईओ) केवळ तीन मिनिटांत एक लाईव्ह सॅटेलाईटला पाडून एक ऐतिहासिक कामगिरी केली._

▪ _या मोहिमेला मिशन शक्ती असे नाव देण्यात आले होते._

▪ _एन्टी सॅटेलाईटद्वारे भारताने अंतराळातही आपल्या सुरक्षेची खातरजमा केली._

▪ _भारताच्या इस्रो आणि डीआरडीओ या संस्थांनी संयुक्तरित्या 'मिशन शक्ती' यशस्वी करून दाखवलं._

🤨 _*एलईओ(लो अर्थ ऑर्बिट)म्हणजे काय*_ :

▪ _एलईओ सॅटेलाईट हे एक असे 'टेलिकम्युनिकेशन सॅटेलाईट सिस्टम' आहे जे पृथ्वीकक्षेत 400 ते 2000 किलोमीटर उंचीवर काम करू शकते._

▪ _शत्रूकडून हेरगिरी करणाऱ्या किंवा नागरी कामांकरिता वापर करण्यासाठी जमिनीची अत्यंत सुस्पष्ट छायाचित्र काढणाऱ्या उपग्रहांचा वापर केला जातो, अशा उपग्रहांना रोखण्यासाठी 'उपग्रहविरोधी क्षेपणास्त्र क्षमता' ही उपयोगी ठरणार आहे._

▪ _हेरगिरी करणारे हे सॅटेलाईट लो अर्थ ऑर्बिटमध्येच ठेवले जातात. अशा सॅटेलाईटना केवळ तीन मिनिटांत हाणून पाडण्याची क्षमता आता भारताकडे आहे._

🤔 _*ए-सॅट हत्यारं म्हणजे काय?*_

▪ _एन्टी सॅटेलाईट हत्यारं (Anti-satellite weapon) ही मुख्यत्वे सुरक्षेच्या दृष्टीने उपग्रहांना नष्ट करण्यासाठी तयार केली जातात._

▪ _हेरगिरी करणाऱ्या अंतराळातील उपग्रहांना हाणून पाडण्याची अशी 'उपग्रहविरोधी क्षेपणास्त्र क्षमता' आत्तापर्यंत केवळ अमेरिका, रशिया आणि चीनकडे होती. आता भारतही याबाबतीत सक्षम झाला आहे._

▪ _अद्याप कोणत्याही देशाकडून ए-सॅट हत्यारांचा वापर युद्धात शत्रूराष्ट्रांविरुद्ध करण्यात आलेला नाही._

▪ _अनेक देशांनी आपल्या ए-सॅट क्षमता केवळ शक्ती प्रदर्शनासाठी तसंच आपले दोषपूर्ण उपग्रह नष्ट करण्यासाठी वापरल्या आहेत._