गाढवीणीचे दूध पिणे आहे अत्यंत उपयोगी
गाढवीणीचे दूध दमा, कावीळ, अॅलर्जी अशा अनेक रोगांवर रामबाण उपाय मानले जाते. यामुळे सध्या दक्षिण पूर्व युरोपीय देश मोंटेनीग्रो येथे गाढवीणीच्या दुधाची मागणी प्रचंड वाढली आहे. या दुधाचे फायदे व मागणी लक्षात घेत तिथे या दुधाची किंमत ३६८० रुपये प्रतिलीटर इतकी आहे. सर्बियामध्ये गाढवीणीच्या दुधापासून बनवलेले चीज ५० हजार रुपये किलो भावाने विकले जात आहे.


दक्षिण भारतात पितात गाढवीणीचे दूध 

हैद्राबाद येथे राहणारे रवि पोनाला सर्दी-पडसे होऊ नये म्हणून गाढवीणीचे दूध पितात. रवि सांगतात, "आमच्याकडे घरोघरी लहान मुलांना गाढवीणीचे दूध पाजतात. हे उष्ण असल्यामुळे सर्दी-खोकला होत नाही. यासोबतच यामुळे कावीळ व टीबीसारखे जीवघेणे आजार बरे होतात." 


आईच्या दुधाएवढे पौष्टिक 

गाढवीणीचे दूध पिणाऱ्यांचे म्हणणे आहे की हे आरोग्यासाठी खूप चांगले असते. यामध्ये लायजोझाईम्स असतात. हे रोगप्रतिकारक शक्ती वाढवण्यास मदत करतात. अनेक संशोधनांत असे सिद्ध झाले आहे की, गाढवीणीच्या दुधात आईच्या दुधाप्रमाणे खूप पौष्टिक तत्व असतात. 


अॅलर्जीसाठी उपयोगी 

सायप्रस विद्यापीठातील प्रध्यापक फोटिस पापादेमस यांचे म्हणणे आहे की, कमकुवत रोगप्रतिकारक शक्ती असलेल्या लोकांसाठी गाढवीणीचे दूध खूप उपयोगी आहे. अॅलर्जी असल्यास या दुधामुळे फायदा होतो. 


दहा दिवसात कावीळ व टीबी बरा करते

भारतात कावीळ बरा करण्यासाठी गाढवीणीचे दूध प्यायला देतात. टीबीसारख्या घातक आजारावरही हे उपयोगी आहे.