'अ'जीवनसत्त्वाच्या अभावाने आधी रातांधळेपणा येतो.
डोळयाच्या आरोग्यासाठी'अ'जीवनसत्त्वाचा पुरवठा होणे आवश्यक आहे. विशेषत: लहान मुलांमध्ये या जीवनसत्त्वाच्या अभावाचा परिणाम तीव्र असतो. हिरव्या पालेभाज्या,पिवळी व लाल फळे (आंबे,पपई,गाजर),शेवगा,मांसाहारातील यकृत,इत्यादींमध्ये जीवनसत्त्व'अ'भरपूर प्रमाणावर असते. यामुळे रात्री जेवताना हात ताटात चाचपडत राहतो. यापुढे श्वेतपटलावर पांढरे ठिपके (बिटॉट स्पॉट),बुबुळ व नेत्रअस्तराचा कोरडेपणा,बुबुळाचा धुरकटपणा,बुबुळावर जखमा व मग फूलपडणे,नेत्रपटलाची हानी होणे,इत्यादी बदल होतात. रातांधळेपणाच्या अवस्थेतच'अ'जीवनसत्त्वाचा डोस दिला पाहिजे (दोन लाख युनिट).आरोग्य केंद्रातर्फे मुलांना असा प्रतिबंधक डोस दर सहा महिन्यांनी दिला जातो. यामुळे हा आजार आता पुष्कळ कमी झाला आहे. आपली रोगप्रतिकारशक्तीही'अ'जीवनसत्वामुळे टिकून राहते.

डोळ्यांशी निगडित सगळे आजार उदा. चष्मा लागणे, रातांधळेपणा. तसेच हाडांची वाढ, शरीराची जळजळ कमी करणे, श्वासोच्छ्वास सुरळीत ठेवणे, मुत्रपिंडात जळजळ न होऊ देणे असे काम जीवनसत्व 'अ' चे आहेत. त्याचा अभाव झाल्यास या क्रियांवर परिणाम होऊ शकतो.