ईश्वर

देव आहे की नाही...? देव कुठे असतो आणि कसा असतो या पेक्षा देवाचे खरे महात्म्य समजून घ्या ...जे आपले दुःख इच्छा विसरून आपल्या मुलांच्या इच्छा पूर्ण करण्यासाठी जी धडपड करतात ते आई वडील देव असतात ...दिवस रात्र स्वताचे घाम गाळून पोटाला मार देऊन आपले पोट भरण्यास ज्याचा हातभार असतो त्या अन्नदाता बळीराजांत देव असतो ...जो व्यक्ती स्त्री जातीचा मान सन्मान राखतो त्यात देव असतो ...ज्या दगडात देव म्हणून संबोधले जाते आणि त्याचे मंदिर बांधून त्यात पावित्र्य राखले जाते की तिथे जाऊन मनाला एक शीतलता शांति समाधान मिळते ते वास्तव्य देव असते ...जी झाडं ,फळं ,फुलं ,पानं , पशु प्राणी अशी नैसर्गिक जीवंत उदाहरणं आहेत ज्यांमुळे ही सृष्टि निर्माण झाली आणि आजतगायत आहे त्यात देव वसले आहे ...तुमच्या मनातील चांगुलपणात देव आहे जो तुम्हाला सन्मान मिळवून देतो...निसर्गात देव आहे जो आपल्याला जीवन प्रदान करतो ...देवाचे विभिन्न प्रकार आहेत ...तुम्ही नास्तिक आहात असं नाही म्हणनार मी पण तुम्ही देवांवर विश्वास ठेवत नाही कारण देवाच्या नावाने अनेक गोष्टी चुकीच्या केल्या जातात किंवा कोणाचा बळी घेतला जातो ...कोणावर विनाकारण जबरीने प्रथा लादल्या जातात ...पण म्हणून देव वाईट नाही तर ती परिस्थिति वाईट आहे आणि त्या परिस्थितिला असलेले व्यक्ती कारणीभूत असतात ...मानवधर्म हाच खरा धर्म होय ...माणुसकी हीच खरी जात होय ...आणि प्रेम माया दया संयम हुशारी व्यक्तिमत्त्व हाच खरा ईश्वर होय ...देव आहे तो आपल्या सुंदर नजरेत आहे ....

🌺श्री स्वामी समर्थ जय जय श्री स्वामी समर्थ🌺

मला माझी मतं सांगायची नाहीत आणि लादायची नाहीत.

ईश्वर निराकार आहे की साकार, हा एक कठीण प्रश्न आहे आणि यावर अनेक मतभेद आहेत.

दादा, तू म्हणतोय की देव कुठे आहे? आज संपूर्ण जगामध्ये कोरोना नावाचा एक लहान व्हायरस धुमाकूळ घातलेला आहे. त्या व्हायरसला आजपर्यंत कुणीही बघितलेलं नाही, पण तरीसुद्धा आम्ही तो आहे असं त्याचं अस्तित्व आहे हे मान्य केले. तसेच देव सुद्धा या जगामध्ये आहे. तो आहे म्हणून हे सर्व काही आत्तापर्यंत ठीक चालले आहे. कोरोना नावाचा वायरस आहे, त्याच्यावरती जसा मी विश्वास ठेवला, तसा देव आहे यावरती आपण विश्वास ठेवला पाहिजे.

माऊली रामकृष्णहरि आपण समाजात जगत असताना  अशा बऱ्याच गोष्टी आहेत ज्या दिसत नसतात परंतु त्या नक्कीच असतात उदा वारा वाहतो पण तो दिसत नाही म्हणजे तो नसतो का वायरमध्ये लाईट असते पण ती दिसत नाही तसंच देव जरी दिसत नसला तरी तो आहे आणि या पुढेही असेलच कारण तो पाहण्याचा नाही तर अनुभव घेण्याचा विषय आहे

जुने वाडे गड किल्ले मंदिर यावर दगडात झाडे वाढतात काय कारण कोण पाणी घालतो . खडकात बेडकी असते ती अन्न पाण्याविणा हवे विना जिवंत राहते काय कारण तेव्हा देव आहे हेच सत्य आहे कुणी मान्य करा वा नका करू

जगद्गुरू संत तुकाराम महाराजांचा एक अभंग आहे तो बघा

कां रे नाठविसी कृपाळु देवासी ।
  पोसितो जनासी एकला तो ॥1॥

  बाळा दुधा कोण करितें उत्पत्ती ।
वाढवी श्रीपति सवें दोन्ही ॥2॥

  फुटती तरुवर उष्णकाळमासीं ।
  जीवन तयांसी कोण घाली ॥3॥

  तेणें तुझी काय नाहीं केली चिंता ।
राहे त्या अनंता आठवूनि ॥4॥

  तुका म्हणे ज्याचें नाम विश्वंभर ।
  त्याचें निरंतर ध्यान करीं ॥5॥

अरे, तू कृपाळू अशा भगवंताचे चिंतन का करत नाहीस ? तो एकटाच सा-या जगाचे पोषण करीत आहे.

जन्मलेल्या बाळासाठी दुधाची निर्मिती कोण करतो ?
भगवान  एकाच वेळी बाळाची व स्तनात दुधाची उत्पत्ती व वाढ करीत असतात.

तीव्र उन्हात झाडांना पालवी फुटते तेंव्हा त्यांना पाणी कोण घालते ?
जो सर्वांना जगवतो त्याने काय तुझी चिंता केलेली नाही का?
मग आताही तो करीलच.

रामकृष्णहरि