समुद्र मंथनातून प्राप्त झालेले चौदावे रत्न अमृत आहे.

अमृतामुळे देवदैत्‍यांत युद्ध होऊन दैत्‍यांना मार बसला.

त्‍यावरून चोप, मार असा अर्थ. कोणी याचा अर्थ चुकीने ‘चाबक’ असा करतात. शंखोऽमृतं चांबुधे-या श्र्लोक चरणांतील ‘चांबुधे’ चा चाबूक झाला! ‘आम्‍ही इतके धीट आहो की चवदावे रत्‍न आमच्या दृष्‍टीस पडलें की पुरें, आम्‍ही आपले पाय लावून पळत सुटलोच.’ -आगरकर. ‘आधी चवदाव्या रत्‍नाची गांठ पडते, त्‍यांतून निभावल्‍यावर पुढे पंधराव्याची गोष्‍ट बोलायची.’