१) खग्रास सूर्यग्रहण - सूर्य व पृथ्वी दोन्हींच्या मध्ये
चंद्र आल्यावर, चंद्र सूर्यास पूर्ण झाकून टाकण्याएवढ्या समतल कक्षीय पातळीमध्ये आणि सरासरी अंतरावर वा त्यापेक्षा कमी असल्यावर, सूर्यबिंब पूर्ण झाकले जाते, ते खग्रास सूर्यग्रहण.
अशा ग्रहणात सूर्याचा 'करोना' व 'डायमंड रिंग'
चे विलोभनीय दृश्य पाहावयास मिळते.
२) खंडग्रास सूर्यग्रहण - खंडग्रास स्थितीत चंद्र पूर्णपणे सूर्यासमोर आलेला दिसत नाही. त्याचा काहीसा भाग सूर्याला झाकू शकतो. चंद्र हा सूर्य आणि पृथ्वीच्या मधून जाताना त्याचा भ्रमणमार्ग व त्याची स्थिती यामुळे सूर्यबिंब अंशता झाकले जाते,
त्यास खंडग्रास सूर्यग्रहण म्हणतात.
३) कंकणाकृती सूर्यग्रहण - ज्यावेळी चंद्र
पृथ्वी व सूर्याच्या मध्ये येतो, पण त्याचवेळी
पृथ्वीपासून चंद्र 'ॲपोजी' म्हणजे, जास्त
अंतरावर असतो तेव्हा चंद्रबिबाचा आकार लहान असतो व तो सूर्यबिंबास पूर्ण झाकू शकत नाही,
चंद्रबिब परिघाच्या बाहेर सूर्यबिंब परिघाचे कडे
किंवा रिंग (बांगडी किंवा कंकणाप्रमाणे) दिसते
चंद्रबिंब प्रतिमा सूर्यबिंबाच्या आत सामावल्या
प्रमाणे व सूर्यबिंब चंद्रबिंबापेक्षा मोठे, अशा
प्रकारास 'कंकणाकृती' सूर्यग्रहण म्हणतात.