हो. हे खरे आहे. काल्पनिक नाही. सर्व वनस्पतींमध्ये तुळस ही सार आहे . दागिन्यांमध्ये मंगळसूत्र   दुधामध्ये तूप  धातूमध्ये सोने ग्रंथामध्ये गीता तसे   वनस्पतींमध्ये तुळस. तुळस ही पवित्र माळ आहे. ही माळ गळ्यात असल्यावर मांसाहार  व  दारू ( मद्यपान ) करू नये. तुळस डोक्याला घेऊन झोपले की दमा होत नाही.  अंघोळ करताना तुळशीचे पाणी जरी अंगावरून गेले तरी अंग पवित्र होते . मनुष्य मेल्यावर मुखात तुळशीपत्र टाकल्याशिवाय त्याला उचलता येत नाही. कितीही पापी मनुष्य असला तरी मुखात तुळशीपत्र ठेऊन प्राणायाम केल्याने तो पापमुक्त होतो. चितेमध्ये एकतरी तुळशीचे काष्ठ ( लाकूड ) असेल तरी त्या मनुष्याला मुक्ती मिळते. इतकेच काय छत्रपती शिवाजी महाराजांच्या गळ्यात सुद्धा तुळशीमाळ होती. तुकाराम महाराज म्हणतात , कंठी मिरवा तुळशी ! व्रत करा एकादशी !! . तुळशवृंदावन घराच्या मध्यभागी असेल तर चारी दिशांनी येणाऱ्या वाईट शक्ती दूर राहतात. शिवाय भगवान श्री विष्णू यांची ही आवडती वनस्पती व माळ आहे. ज्या भक्ताच्या गळ्यात ही माळ असते त्यावर श्री विष्णू नेहमी प्रसन्न राहतात व त्यावर त्यांची अखंड कृपादृष्टी राहते.