शेतात खोदण्यात आलेल्या विहिरींची आणि बोअरवेलची सातबारा उताऱ्यावर नोंद करण्यासाठी होणारी पळापळ थांबणार आहे. तलाठी, मंडळ अधिकारी यांच्याकडे फेऱ्या मारूनही बऱ्याचदा नोंद घेतली जात नाही. त्यामुळे विहिरींची नोंद करण्यास शेतकरी धजावत नाहीत. त्यामुळे त्यांना विविध योजनांपासून वंचित राहावे लागते. ही अडचण ओळखून प्रत्येक जिल्यातील उपविभागीय अधिकाऱ्यांनी सर्व विहिरींची नोंद करण्यासाठी तलाठ्यांना सूचना दिल्या आहेत. त्यामुळे आता तलाठी शेतात जाऊन विहिरी आणि बोअरवेलच्या नोंदी घेणार आहेत. प्रत्येक तालुक्यातील शेती पावसाच्या पाण्यावर अवलंबून आहे. विहिरीतील पाण्यावर पिकांची जोपासना केली जाते. त्यामुळे शेतकऱ्यांच्या दृष्टीने विहीर महत्त्वाची आहे. शेतकरी विहिरीची नोंद करण्यासाठी तलाठ्यांकडे जातात. मात्र, चिरीमीरीच्या अपेक्षेने अनेक तलाठी विहिरींची साताबारा उताऱ्यावर नोंद घेत नाहीत. त्यामुळे अनेक शेतकरी सातबारा उताऱ्यावर विहिरींची नोंद करण्याकडे दुर्लक्ष करतात. वर्षानुवर्षे विहिरींची सातबारा उताऱ्यावर नोंद होत नाही. नोंदी नसल्यामुळे नेमकी विहिरींची संख्या किती याची प्रशासनाकडे माहिती उपलब्ध होत नाही. त्यामुळे विविध योजना कशा राबवाव्यात याचा आराखडा तयार करता येत नाही. त्यामुळे चुकीचा आराखडा तयार केला जातो. अनेक शेतकरी योजनांपासून वंचित राहतात. या पार्श्वभूमीवर सर्व शेतकऱ्यांच्या विहिरींची नोंदी घेण्याचे ठरवले आहे. त्यानुसार सर्व तलाठ्यांना आदेश देण्यात आले आहेत. त्यामुळे सर्वच शेतकऱ्यांच्या विहिरींच्या नोंदी होणार आहेत. विहिरी आणि बोअरवेलच्या नोंदी घेण्यामध्ये हलगर्जी करणाऱ्या तलाठ्यांवर शिस्तभंगाची कारवाई करण्यात येणार असल्याचेही स्पष्ट करण्यात आले.

तुम्ही तुमच्या ७/१२ मध्ये विहीर नोंदवण्यासाठी काय करू शकता, याची माहिती खालीलप्रमाणे आहे:

टीप: अर्ज करण्यापूर्वी, तुमच्या क्षेत्रातील नियम आणि आवश्यक कागदपत्रांची माहिती तपासून घ्या.