प्राणप्रतिष्ठा म्हणजे ये हृदयीचे ते हृदयी …. मूर्ती घडताना ती सर्व प्रकारच्या निर्गुणातून, निराकारातून घडते, वेगवेगळे आकार देत मूर्तीकार स्वत:ला जसे देवांचे स्वरुप वाटते तसे घडवतो, ते तसेच असते का? तर नाहीं. म्हणून तर आपल्याला कोणत्याही देवाच्या मूर्तीची निवड करताना किती अवघड जाते, कारण घडवणाऱ्याच्या मनातली मूर्ती नि तुमच्या मनातली मूर्ती ही वेगळी असते, असणारच, कारण भाव वेगळे नि कर्म देखील.

घडवलेल्या अशा मूर्तीला सगुणात आणायचय, जीवंत करायचय तर प्राण ओतावा लागेल ना? तो प्राणप्रतिष्ठेद्वारे ओततात. मंत्र, अभिषेक असतो, प्राणांचे प्रत्यक्ष संक्रमण  पद्धतिने होते.  ते प्राण तुमच्या द्वारे त्या मूर्तीमध्ये ओतले जातात. खूप छान कर्म आहे ते, मंत्रार्थ जाणून घेऊन जर सर्व पूजा बघितली, केली तर ते एक खूप छान दर्शन आहे, खूप छान प्रवास आहे.