तंत्रज्ञान म्हणजे काय?? 👇👇

1) "तंत्रज्ञान" म्हणजे मिळालेल्या ज्ञानाचा व्यवहारातील उपयोग होय.

2) तंत्रज्ञान हे विज्ञानातून आकारास येते.

3) मानवी जीवन सुखी करण्यासाठी विज्ञानातील ज्ञानाच्या आधारे जेव्हा विविध साधनांची निर्मिती केली जाते, तेव्हा तंत्रज्ञानाचा उदय होतो.

4) विज्ञानातून निर्माण झालेल्या साधनांचे व यंत्रांचे ज्ञान म्हणजे  "तंत्रज्ञान" होय.

5) वाफेच्या शक्तीचा शोध हे विज्ञान होय, तर त्या शक्तीचा उपयोग करून तयार केलेले रेल्वे इंजिन म्हणजे "तंत्रज्ञान" होय.... 😊

तंत्रज्ञान (इंग्लिश: Technology, टेक्नॉलजी) म्हणजे अवजारे, यंत्रे, त्यांपासून बनलेल्या प्रणाल्या यांचे संकल्पन, निर्मिती आणि उपयोजन अभ्यासणारी, तसेच त्यांत सुधारणा घडवून आणण्यासंबंधीची विद्याशाखा होय. प्रागैतिहासिक काळापासून मानव तंत्रज्ञानाचा वापर व अभ्यास करत आहेत.

अगदी प्राचीन काळी नियंत्रित पद्धतीने आग चेतवण्याचे तंत्र मानवांनी शोधून काढले. त्यानंतर चाकाचाशोध लावल्यामुळे मानवांना अधिक पल्ल्याचे अंतर कापण्यासाठी उपयुक्त तंत्रज्ञान लाभले. तेथून पुढे अगदी आधुनिक काळात छपाईचे तंत्रज्ञान, टेलिफोन, इंटरनेट या तंत्रांपर्यंत मानवाने तंत्रज्ञान विकसवले आहे.
तंत्रज्ञान विकसनामुळे केल्याने मानवाचे जीवन अधिक सोयीस्कर बनत चालले आहे.