Topic icon

शारीरिक उपचार

0
कंबर लचकली आहे यावर उपाय काय?
कंबर लचकल्यावर आराम मिळवण्यासाठी काही उपाय खालीलप्रमाणे आहेत:
  • विश्रांती: कंबर लचकल्यावर, शक्य असल्यास, काही दिवस पूर्णपणे विश्रांती घ्या. जास्त हालचाल करणे टाळा.
  • बर्फ किंवा उष्णता:
    • बर्फ: पहिल्या 24-48 तासांमध्ये, दर 2-3 तासांनी 15-20 मिनिटे बर्फ लावा. यामुळे सूज आणि वेदना कमी होते.
    • उष्णता: 48 तासांनंतर, गरम पाण्याची बाटली किंवा हीटिंग पॅडने शेक द्या. यामुळे स्नायूंना आराम मिळतो.
  • वेദനशामक औषधे: डॉक्टरांच्या सल्ल्यानुसार, वेदना कमी करण्यासाठी पॅरासिटामॉल (Paracetamol) किंवा आयबुप्रोफेन (Ibuprofen) सारखी औषधे घ्या.
  • हलका व्यायाम: वेदना कमी झाल्यावर, हळू हळू काही व्यायाम सुरू करा.
    • पाठीचे स्नायू मजबूत करण्यासाठी व्यायाम करा.
    • पोटाचे स्नायू मजबूत करण्यासाठी व्यायाम करा.
  • योग्य पवित्रा: बसताना आणि उभे राहताना योग्य पवित्रा ठेवा. कंबरेला आधार देण्यासाठी खुर्चीवर बसताना कंबरेला आधार द्या.
  • मालिश: हळूवारपणे मसाज केल्याने स्नायूंना आराम मिळतो आणि वेदना कमी होतात.
डॉक्टरांचा सल्ला कधी घ्यावा:
  • जर वेदना गंभीर असेल आणि घरगुती उपायांनी आराम मिळत नसेल.
  • पायांमध्ये मुंग्या येणे किंवा बधिरपणा जाणवणे.
  • मूत्र आणि शौचावर नियंत्रण न राहणे.

टीप: हा सल्ला केवळ सामान्य माहितीसाठी आहे. कृपया आपल्या डॉक्टरांचा सल्ला घ्या.
उत्तर लिहिले · 25/3/2025
कर्म · 980
0
अचानक खांदा दुखू लागला आहे तर कोणता उपाय करावा?
खांदा अचानक दुखू लागल्यास आराम मिळवण्यासाठी काही उपाय खालीलप्रमाणे आहेत:
  • बर्फ लावा: ज्या ठिकाणी दुखत आहे, तिथे दिवसातून 15-20 मिनिटे बर्फ लावा.
  • गरम पाण्याची थैली: बर्फ लावल्यानंतर गरम पाण्याची थैलीने शेक द्या.
  • खांद्याला आराम द्या: खांद्याला जास्त ताण देऊ नका आणि जड वस्तू उचलणे टाळा.
  • पेनकिलर: डॉक्टरांच्या सल्ल्यानुसार दुखणे कमी करणारी औषधे घ्या.
  • हलका व्यायाम: खांद्याची हळूवारपणे हालचाल करा, ज्यामुळे रक्तपुरवठा सुरळीत होईल.

जर दुखणे जास्त वाढले तर डॉक्टरांचा सल्ला घेणे आवश्यक आहे. ते तुम्हाला योग्य निदान आणि उपचार देऊ शकतील.
उत्तर लिहिले · 25/3/2025
कर्म · 980
0
हाताला खूप कळ येते आणि ताकद कमी आहे, यावर उपाय?

हाताला येणारी कळ आणि ताकद कमी होणे यामागे अनेक कारणं असू शकतात, जसे:

  • कार्पल टनेल सिंड्रोम (Carpal Tunnel Syndrome): मनगटातून जाणारी मध्यवर्ती चेता (median nerve) दाबल्याने बोटे आणि मनगटात वेदना होतात.
  • टेंडोनिटिस (Tendonitis):tendons म्हणजे स्नायूंना हाडांशी जोडणारे ऊती (tissues) मध्ये सूज आल्याने वेदना होतात.
  • संधिवात (Arthritis): सांध्यांमध्ये सूज आणि वेदना.
  • मानेच्या मणक्यांची समस्या (Cervical Spondylosis): मणक्यांमधील समस्यांमुळे नसांवर दाब येऊन हाताला वेदना होतात.
  • De Quervain's Tenosynovitis: अंगठ्याच्या tendons मध्ये सूज.

उपाय:

  1. घरगुती उपाय:
    • गरम किंवा थंड शेक: वेदना कमी करण्यासाठी गरम किंवा थंड पाण्याचा शेक घ्या.
    • मनगटाचा व्यायाम: मनगटाचे साधे व्यायाम करा.
    • पुरेशी विश्रांती: हाताला पुरेसा आराम द्या.
    • एप्सम सॉल्ट बाथ (Epsom salt bath): गरम पाण्यात एप्सम सॉल्ट (Epsom salt) टाकून त्यात हात बुडवून ठेवा.
  2. डॉक्टरांचा सल्ला:
    • जर वेदना तीव्र असतील आणि घरगुती उपायांनी आराम मिळत नसेल, तर डॉक्टरांचा सल्ला घ्या.
    • डॉक्टर शारीरिक तपासणी करून अचूक निदान करतील.
    • आवश्यक असल्यास, ते रक्त तपासणी, एक्स-रे (X-ray) किंवा नर्व्ह कंडक्शन स्टडी (nerve conduction study) सारख्या चाचण्या करू शकतात.
  3. उपचार:
    • औषधे: डॉक्टर वेदना कमी करण्यासाठी वेदनाशामक (pain killers) आणि सूज कमी करणारी (anti-inflammatory) औषधे देऊ शकतात.
    • फिजिओथेरपी (Physiotherapy): फिजिओथेरपिस्ट तुम्हाला विशिष्ट व्यायाम आणि तंत्र शिकवतील ज्यामुळे मनगटाची ताकद वाढेल आणि वेदना कमी होतील.
    • स्टेरॉइड इंजेक्शन्स (Steroid injections): काही प्रकरणांमध्ये, डॉक्टर मनगटात स्टेरॉइड इंजेक्शन्स देण्याचा सल्ला देऊ शकतात.
    • शस्त्रक्रिया (Surgery): गंभीर प्रकरणांमध्ये, कार्पल टनेल सिंड्रोम किंवा इतर समस्यांसाठी शस्त्रक्रिया आवश्यक असू शकते.
  4. जीवनशैलीतील बदल:
    • ergonomic keyboard आणि mouse चा वापर: काम करताना मनगटावर ताण येऊ नये म्हणून Ergonomic कीबोर्ड आणि माउस वापरा.
    • वजन कमी करणे: जर तुमचे वजन जास्त असेल तर ते कमी करण्याचा प्रयत्न करा, कारण जास्त वजनामुळे सांध्यांवर अतिरिक्त ताण येतो.
    • धूम्रपान टाळा: धूम्रपान केल्याने रक्तवाहिन्या (blood vessels) आकुंचन पावतात आणि रक्ताभिसरण (blood circulation) कमी होते, ज्यामुळे वेदना वाढू शकतात.

हे लक्षात ठेवा: हा सल्ला केवळ सामान्य माहितीसाठी आहे. अचूक निदान आणि उपचारांसाठी डॉक्टरांचा सल्ला घेणे आवश्यक आहे.

उत्तर लिहिले · 24/3/2025
कर्म · 980
0
मानेच्या मणक्यांतील अंतर कमी झाले आहे, पूर्ववत करण्यासाठी काय करावे?
मानेच्या मणक्यातील अंतर कमी करण्यासाठी मानेला पट्टा लावावा लागेल.आणि झोपते वेळी मानेखाली नरम उशी म्हणजे  मऊसर उशी घ्यावी लागेल ती जास्त उंचीची नसावी कमी उंचीची पातळ असावी जाड असु नये याची काळजी घ्यावी.

मानदुखीचा आजार भारतात खूप आढळतो. मानदुखी ही मुख्यत: मानेतील मणक्यांचा आजार आहे. मणके झिजून त्यातली कूर्चा-गादी दबणे,बारीक अस्थि-गुठळया तयार होणे, यामुळे आतील चेतारज्जू आणि बाहेर पडणा-या नसांना घर्षण व इजा होणे या सर्वांचा मिळून हा आजार होतो.

कारणे
मणक्यांची झीज होणे हा यातला मुख्य दोष आहे. मणक्यांची झीज जेवढी जास्त,तेवढी लक्षणे जास्त होतात. भारतात यासाठी काही विशेष कारणे आढळतात.

डोक्यावर सतत भार वाहणारे गट - हमाल, माथाडी कामगार, रस्त्यावर खडी-दगड वाहणारे मजूर, वर्षानुवर्षे डोक्यावर पाण्याचे हंडे वाहणा-या स्त्रियांना हा आजार लवकर गाठतो.

शिवाय वयोमानाप्रमाणे मणक्यांची झीज होतच असते.

लक्षणे
मानदुखी, मान जड होणे, मानेत कळा येणे, कवटीच्या तळाशी मानेत दुखणे.
पाठीच्या फ-यांमध्ये दुखणे (कण्याच्या दोन्ही बाजूला फ-याच्या पातळीत दुखणे)
खांद्याच्या भागात दुखणे.
डोकेदुखी - मागे सुरु होऊन डोक्याच्या वर पसरते.
चेतातंतूंवर दबाव आल्याने पुढील लक्षणे दिसतात: पाठीचा चौकोन, खांदा, दंडाचा पुढील भाग, मनगटाचा भाग, अंगठा, इ. ठिकाणी वेदना जाणवते. हे सर्व भाग मानेच्या मणक्यातून निघणा-या चेतातंतूंशी संबंधित आहेत. या भागातले स्नायू पुढे दुबळे होत जातात. चेतातंतू हाडांच्या-गुठळयांनी दाबले-रगडले जाणे हे त्याचे कारण आहे. काही जणांना मान पुढे वाकवल्यावर विजेचा झटका हातापर्यंत चमकतो.
याच भागात मुंग्या येतात. टोचल्याप्रमाणे संवेदना होतात.
कूर्चा चेतारज्जूवर दाबल्यामुळे विशिष्ट लक्षणे दिसतात. हाता-पायात दुबळेपणा जाणवतो, शक्ती कमी होते. लघवी, गुदद्वाराचे नियंत्रण कमी होते. अर्थातच हा आजार आता जास्त झालेला असतो.
मणक्याजवळच्या रक्तवाहिनीवर दाब आल्याने काही लक्षणे दिसतात. यात मुख्यत: चक्कर (मेंदूकडे रक्त कमी पडल्याने) हे लक्षण असते. चक्कर तात्पुरती किंवा सतत येते. चक्कर येण्याचे आणखी एक कारण म्हणजे मानेभोवतीच्या स्नायू व पडद्यांचा सतत ताण हे असते.
रोगनिदान
वरील लक्षणांवरून रोगाची शंका घेणे शक्य आहे. पुढील निदान व सल्ल्यासाठी डॉक्टरकडे पाठवावे. मानेचा क्ष किरण फोटो काढून आजाराचे प्रमाण निश्चित करता येते. आवश्यक वाटल्यास जास्त तपासण्या कराव्या लागतील. (उदा. सीटी स्कॅन किंवा एम.आर.आय. फोटो)

उपचार
सौम्य किंवा मध्यम आजार असल्यास साध्या उपायांनी याची लक्षणे कमी होतात. (पण मूळ आजार बरा होत नाही) यासाठी

मानेखाली कमी रुंदीची मऊ उशी घ्यावी. यामुळे मान नेहमीपेक्षा उलटबाजूला वाकून तिला विश्रांती मिळते.
पुढे वाकण्याचे, मान खाली करण्याचे प्रसंग टाळावेत. काम करताना मान ताठ किंवा मागे वाकलेली चांगली. यासाठी टेबलावर काम करताना उतरती फळी वापरावी. (पूर्वीचे दिवाणजींचे मेज चांगले)
मानेला हलका शेक, मसाज यांचा चांगला उपयोग होतो.
मानेचे व्यायाम करून स्नायू बळकट करणे आणि स्नायूबंध/पट्टे ढिले करण्याने वेदना कमी होत जाते.
वेदनेसाठी तात्पुरत्या वेदनाशामक गोळया घ्याव्यात.
प्रवासात मानेचा पट्टा वापरावा. यामुळे मानेला व मणक्यांना धक्के बसत नाहीत.
शरीरात 'गंजरोधक' पदार्थ (ऍंटी-ऑक्सिडंट) वाढण्यासाठी चांगला ताजा आहार घ्यावा. प्राणायाम करावा.
तीव्र आजार असल्यास (स्नायू दुबळे होणे, खूप वेदना, शॉक प्रमाणे चमकणे,लघवी-गुदद्वारावरचे नियंत्रण कमी होणे) यासाठी शस्त्रक्रिया लागू शकेल. या शस्त्रक्रियेच्या तंत्रात आता खूपच प्रगती झाली आहे. सूक्ष्म शस्त्रक्रियातंत्राने 'दुरुस्त्या' करण्यामुळे मोठी शस्त्रक्रिया टळते. याबद्दल अर्थातच तज्ज्ञ मार्गदर्शन करतील.




उत्तर लिहिले · 5/5/2022
कर्म · 53700
3
कंबरदुखीवर घरगुती उपाय कोणता?

अनेक वेगवेगळ्या आजरांबरोबरच हल्ली अगदी बऱ्याच लोकांमध्ये जाणवणारा आजार म्हणजे कंबरदुखी (lower back pain).

कंबरदुखीची काही मुख्य कारणे ; जर हे करणे तुम्ही थांबवले तर त्याचा सुद्धा फायदा दिसू शकतो.

कारणे :
  1.  अतिशय मऊ गादीवर झोपणे,
  2. जास्त काळ हाई हिल परिधान करणे
  3.  जास्त वजन वाढणे
  4. शरीरात कॅल्शियमची कमतरता भासणे 
  5. तासनतास एकाच जागेवर बसणे
  6. शारीरिक हालचाल जास्त न करणे
  7. व्यायाम करायला टाळाटाळ करणे 
  8. योग्य स्थितीमध्ये बसणे
यांसारख्या काही गोष्टी मुख्यत: कंबरदुखीला कारणीभूत असतात. त्यामुळे उपचारासोबत या गोष्टी करणे सुद्धा थांबवावे.

कंबरदुखीवर घरगुती काही  उपाय :

  • खोबरेल तेलानं मसाज करा. खोबरेल तेल गरम करायचं, त्यात लसणाच्या पाकळ्या टाकायच्या. गरम तेल थंड झालं की त्यानं दुखऱ्या भागावर मसाज करायचा.
  • मिठाच्या पाण्यानं शेक द्या. गरम पाण्यात मीठ टाका. आणि पाठ,कंबर त्या पाण्यानं शेका.
  • मिठानंही कंबर शेका. अगोदर मीठ चार-पाच मिनिटं गरम करा. आणि एका स्वच्छ कापडात गुंडाळून त्यानं कंबर शेका.
उत्तर लिहिले · 2/1/2022
कर्म · 25830
1
पाठ खूप दुखते, यावर घरगुती उपाय काय आहे?
पाठ दुखीवर सोपे घरगुती उपाय
पाठ दुखीचा त्रास होत असल्यास रोज झोपताना नारळाच्या अथवा मोहरीच्या तेलाने मालिश करा. यामध्ये चार-पाच लसूण पाकळ्या टाकून ते तेल गरम करून थंड झाल्यानंतर पाठीला मालिश केल्याने वेदना कमी होतात. हे तेल लावल्यानंतर अर्ध्या तासांनी अंघोळ करावी. योगासन हा पाठ दुखीवरील उत्तम उपाय आहे.




पाठ दुखतेय? करा हे उपाय

पाठदुखीसाठी शारीरिक कारणांसोबतच मानसिक कारणेही जबाबदार असतात. मनावरील ताण, रोजच्या आयुष्यातील तणाव हेदेखील पाठदुखीला आमंत्रण देतात.





: पाठदुखीचा त्रास झाला नाही अशी व्यक्ती सापडणे दुर्मीळच. डोकेदुखीनंतर सर्वाधिक लोकांना होणारा त्रास म्हणजे पाठदुखीचा, तरीही आपण सर्वच पाठदुखीविषयी खूप बेफिकीर असतो. पाठदुखीची तीव्रता सौम्य असेल, तर आपण तिच्याकडे दुर्लक्ष करतो. मात्र नंतर त्रास जास्त वाढतो. कधी एखादी वस्तू उचलताना पाठ भरते, तर कधी सकाळी झोपेतून उठतानाच पाठीने बंड पुकारल्याचे लक्षात येते. पाठीला आधार देणारे स्नायू, हाडे, सांधे यांना त्रास झाला की पाठीचा खालचा भाग दुखायला लागतो. हे दुखणे म्हणजे शरीराने दिलेली धोक्याची सूचना असते. ती वेळीच ओळखली तर पुढचा त्रास वाचतो. मात्र अनेकदा या सूचनेलाच दुखणे समजून दुर्लक्ष केले जाते. पाठदुखी होण्यासाठी अनेक गोष्टी कारणीभूत ठरतात. जड ओझे उचलणे, सतत खाली वाकणे, जड वस्तू अयोग्य पद्धतीने उचलणे, सांधेदुखी, हाडे ठिसूळ होणे, मणक्याला मार बसणे. मात्र या कारणांपेक्षाही कार्यालयातील खुर्चीत तासन्तास एकाच स्थितीत बसण्याची सवय पाठ दुखीसाठी अधिक कारणीभूत ठरते. म्हणजे सहजसाध्य पद्धतीने बदलू शकणारी सवय न बदलल्याने अनेकांना पाठदुखीला सामोरे जावे लागते. वाढलेले वजन, सांधेदुखी, हाडे ठिसूळ होणे, शारीरिक काम यामुळे पाठदुखी वाढते.

पाठदुखीसाठी शारीरिक कारणांसोबतच मानसिक कारणेही जबाबदार असतात. मनावरील ताण, रोजच्या आयुष्यातील तणाव हेदेखील पाठदुखीला आमंत्रण देतात. मनाचा आणि पाठीचा काय संबंध, असा प्रश्न उपस्थित होऊ शकतो. मात्र मनावरील ताणामुळे शरीराच्या सर्वच अवयवांवर परिणाम होतो, असे लक्षात आले आहे. कार्यालयातील कामाचा ताण, अस्वस्थता यामुळे पाठदुखी होत असेल तर शरीरासोबत मनाचेही आरोग्य जपणे गरजेचे आहे.पाठदुखी होण्यामागे काही वेळा गंभीर कारणेही असतात. मणक्याला फ्रॅक्चर झाल्यास, स्लिप डिस्क, संधिवात, सांधेदुखी, मणक्यांमध्ये गाठ आल्यास, मूतखडे यामुळेही पाठदुखी होऊ शकते. ओटीपोटात सूज आल्याने स्त्रियांना पाठदुखी होते. अशा गंभीर कारणांवेळी थेट डॉक्टरकडे जायला हवे. मात्र रोजच्या चुकीच्या सवयींमुळे पाठीचा खालचा भाग दुखत असेल तर घरच्या घरी उपाय करता येतात. मात्र वेळीच उपचार केले नाहीत आणि हे दुखणे मांडय़ा, पाय, पावले येथपर्यंत पोहोचले की वैद्यकीय उपचारांची गरज पडते. मात्र एक्स रे, सीटी स्कॅन, महागडे उपचार येथपर्यंत पोहोचायचे नसेल तर काही अयोग्य सवयी जरूर बदला.

पाठदुखीची कारणे *बसण्याची स्थिती- खूर्चीत बसताना शरीराचे वजन पाठीवर येते. कंबरेत वाकून बसण्याची सवय असल्यास किंवा खुर्ची योग्य नसल्यास पाठदुखी नक्की होते. *मोटारसायकल – दुचाकी चालवताना पाठीला कोणताही आधार नसतो. रोज लांबचा प्रवास करणाऱ्या तसेच खड्डे असलेल्या रस्त्यांवरून गाडी हाकणाऱ्यांना हमखास पाठदुखी सतावते. * वाकून उभे राहण्याची सवय पाठदुखीला निमंत्रण देते. * अयोग्यपणे जड वस्तू उचलल्याने, ढोपरात न वाकता वस्तू उचलल्यामुळे, पाठीवर भार आल्याने. * अयोग्य गादीवर आखडलेल्या स्थितीत झोपल्याने *अपघात- कारला झालेला अपघात, घसरून पडल्यामुळे मणक्याला इजा होते, पाठ सुजते. *सांधेदुखी – सांध्याना संरक्षण देणारे कार्टलेिजचे आवरण वयोमानानुसार झिजते. त्यामुळे उतारवयात मणका दुखायला लागतो. *हाडे ठिसूळ होणे – बहुतांश स्त्रियांना उतारवयात हाडे ठिसूळ होण्याच्या त्रासाला सामोरे जावे लागते. हात, पाय यासोबत पाठदुखीही यामुळे होते. *मानसिक – शरीरासोबतच मनावरील ताण-तणाव अनेक आजारांना निमंत्रण देतात. निराशा, अस्वस्थता, असमाधान यामुळेही पाठदुखी होऊ शकते. पाठदुखीत भर घालणारे घटक वाढलेले वजन, वृद्धापकाळ, महिला, अवजड वस्तू उचलण्याचे काम, तणावपूर्ण काम, निराशा.

प्रतिबंधात्मक उपाय * वस्तू उचलताना गुडघ्यात वाका, पाठ सरळ ठेवा व वस्तू शरीराजवळून उचला. * एकाच स्थितीत बराच वेळ बसू नका. ठरावीक वेळाने बसण्याची स्थिती बदला, पाठ सरळ करा किंवा फिरून या. * टेबलावर कोपरे ९० अंशांमध्ये टेकतील, अशा प्रकारे खुर्चीची उंची ठेवा. * गाडी चालवताना पाठीला आधार मिळेल याप्रकारे सीट ठेवा, * झोपताना पाठीला आधार मिळेल अशा टणक पृष्ठभागावर झोपा. * आखडलेल्या स्थितीत झोपू नका. कुशीवर झोपताना कंबरेला आधार मिळेल, अशा पद्धतीने पातळ उशीचा उपयोग करा. * पाठदुखी असेल तर उंच टाचांच्या चपला टाळा.

पाठ दुखीवर सोपे घरगुती उपाय पाठ दुखीचा त्रास होत असल्यास रोज झोपताना नारळाच्या अथवा मोहरीच्या तेलाने मालिश करा. यामध्ये चार-पाच लसूण पाकळ्या टाकून ते तेल गरम करून थंड झाल्यानंतर पाठीला मालिश केल्याने वेदना कमी होतात. हे तेल लावल्यानंतर अर्ध्या तासांनी अंघोळ करावी.

योगासन हा पाठ दुखीवरील उत्तम उपाय आहे. त्रिकोणासन, भुजंगासन, मार्जरासन ही योगासने रोज करा. यामुळे दंडाचे स्नायू, पायांचे स्नायू, ओटीपोटीचे स्नायू यांची कार्यक्षमता वाढते. पाठीचा कणा लवचिक बनतो आणि पाठदुखी नाहीशी होते.पाठ दुखत असल्यास आंघोळीच्या पाण्यात थोडेसे खडे मीठ टाकुन आंघोळ करा. मिठाच्या पाण्याने आंघोळ केल्याने स्नायु मोकळे होण्यास मदत मिळते. पाठ दुखीपासून आराम मिळतो.पाठ दुखीसाठी आहार देखील महत्वाची भूमिका बजावतो. आपल्या आहारात चार ते पाच चमचे साजूक तूप, दूध, डिंक, उडीद अशा कॅल्शियमयुक्त पदार्थांचा समावेश करावा.बसताना कुबड काढून न बसू नये. एका ठिकाणी एक दीड तासापेक्षा जास्त वेळ बसू नका. अधून मधून थोडे चालणे उत्तम. नियमित व्यायाम, योग्य आहार व पुरेशी झोप ही त्रिसूत्री पाठ दुखीपासून दूर ठेवते.





उत्तर लिहिले · 29/12/2021
कर्म · 121765
0
गुडघ्याचे हाड वाढले असेल तर ते ऑपरेशनशिवाय पूर्ववत होऊ शकते का?

गुडघ्याचे हाड वाढणे (Osteoarthritis) या समस्येवर ऑपरेशनशिवाय उपचार करणे शक्य आहे, परंतु ते हाडांच्या वाढीच्या प्रमाणावर आणि व्यक्तीच्या लक्षणांवर अवलंबून असते.

ऑपरेशनशिवाय उपचार:

  • जीवनशैलीत बदल: वजन कमी करणे, नियमित व्यायाम करणे आणि आहारात बदल करणे फायदेशीर ठरू शकते.
  • शारीरिक उपचार: फिजिओथेरपीच्या मदतीने स्नायू मजबूत करणे आणि सांध्यांची हालचाल सुधारणे.
  • औषधे: वेदना कमी करण्यासाठी आणि जळजळ कमी करण्यासाठी डॉक्टर औषधे देऊ शकतात.
  • इंजेक्शन: काही प्रकरणांमध्ये, डॉक्टर सांध्यांमध्ये कॉर्टिकोस्टेरॉईड्स (corticosteroids) किंवा हायअलुरोनिक ऍसिडचे (hyaluronic acid) इंजेक्शन देऊ शकतात.

जर हाडांची वाढ खूप जास्त असेल आणि उपरोक्त उपचारांनी आराम मिळत नसेल, तर ऑपरेशन हा एक पर्याय असू शकतो.

तज्ञांचा सल्ला: योग्य निदान आणि उपचारांसाठी ऑर्थोपेडिक डॉक्टरांचा सल्ला घेणे आवश्यक आहे.

अधिक माहितीसाठी आपण खालील लिंकवर भेट देऊ शकता:

उत्तर लिहिले · 24/3/2025
कर्म · 980