कमी वेळ म्हणजे किती?

रोज किती वेळ शिकायची तयारी आहे तुमची?
एवढी घाई कशा साठी?

कमी वेळेत सुमार दर्जाची शिकतां येईल, चालेल का?
प्रश्न वाचून एकदम पटकन उत्तर आले कि कुणी उत्तम इंग्रजी जाणकारांना मदतनीस म्हणून ठेवा… झटपट उपाय, तुम्ही कांहीही कष्ट न करता.

अहो, भाषा आहे, ऐकावी, वाचावी, अभ्यासावी… गणित नाही हो… प्रेम असेल तरच आत्मसात होते ती भाषा!

रोज सवय लावा साधारण १५-२० मिनिटे इंग्रजी पुस्तकं हाताळायची, वेळ वाढवत रहा, गोडी वाढेल. शब्दकोश हाताशी ठेवा - शब्द समजले कि वाक्य समजेल, लेखकाचे मन समजेल. आधी साधी सोपी इंग्रजी पुस्तक वाचायला घ्या किंवा मासिक… वाचन वाढवत असतांना, यूट्यूब वर गाणी एकायला सुरू करा, चित्रपट बघा. संभाषणास सुरूवात करा, चुका होतील, प्रयत्न सोडू नका.

चांगली जुनी इंग्रजी गाणी ऐका.

चांगली इंग्रजी पुस्तके वाचा.

वर्तमानपत्र वाचा.

आपली शब्दसंपत्ती वाढवा.

इंग्रजी लिहिण्याचा व बोलण्याचा सराव करा.

व्याकरणाचा अभ्यास करा.

इंग्रजी कोरा वरची उत्तरे वाचा.

शक्य असल्यास एखादा चांगला शिक्षक निवडा.

शिकण्याची मुळीच घाई करू नका. स्वतःला किमान १ वर्ष वेळ द्या.

पुढील वाटचालीस शुभेच्छा