मायबोलीवर गेल्या काही दिवसांत पर्यावरण ह्या विषयाशी संबंधीत दोन धागे निघाले आणि त्या दोन्ही धाग्यांवरील चर्चेतून बरेच चांगले आणि महत्वपूर्ण मुद्दे समोर आले. मात्र ह्या विषयाची व्याप्ती खूप मोठी आहे. पर्यावरणस्नेही जीवनशैलीच्या धाग्यावर प्रामुख्याने पर्यावरणस्नेही उपाय आणि त्यांची अंमलबजावणी असा उद्देश होता. मात्र त्यावर काही पोस्ट्स ह्या पर्यावरणाच्या अनुषंगाने निर्माण होणारे/झालेले प्रश्न ह्यावर होत्या. त्या वाचून वाटलं की ह्या प्रश्नांना मांडण्यासाठी/त्यांच्यावर चर्चा करण्यासाठी एक वेगळा धागा हवा.
जेव्हा आपण पर्यावरणासंबंधी काही माहिती/चर्चा वाचतो तेव्हा त्यात अनेक संकल्पना, शब्द वापरलेले असतात ज्यांचा अर्थ समजल्यास ती चर्चा अधिक चांगल्याप्रकारे समजून घेता येते. ह्या धाग्याचा उद्देश पर्यावरणासंबंधी संकल्पनांची माहिती, वाचनीय लेख/चर्चा/बातम्या ह्यांचे दुवे, प्रश्न-त्यावर चर्चा/उत्तरे असा आहे. ह्या धाग्याच्या पहिल्या काही पोस्ट्स मध्ये मी अशाच काही संकल्पनांची थोडक्यात ओळख करून देणार आहे. मायबोलीकरांनी त्यात आपल्या परीने भर घालावी.
वि.सू. पहिल्या काही पोस्ट्स ह्या थोडक्यात ecology/environmental science 101 असेल. मराठी प्रतिशब्द माहिती नसला तर इंग्रजीत लिहिणार आहे (चुकीचे लिहिण्यापेक्षा). ही माहिती परिपूर्ण नाही. It also may not be a universal truth since there are always exceptions to facts. So consider this as just a primer to the subject/concept/terminology. काही चुकीची माहिती असल्यास मला लगेच सांगा! मी आवश्यक तो बदल करेल

पर्यावरणीय अर्थशास्त्र हे अर्थशास्त्राचे एक क्षेत्र आहे जे पर्यावरणीय धोरणांच्या आर्थिक प्रभावाचा अभ्यास केला जातो. पर्यावरणीय अर्थशास्त्रज्ञ अर्थव्यवस्थेवर पर्यावरणीय धोरणांचे सैद्धांतिक किंवा अनुभवजन्य परिणाम निश्चित करण्यासाठी अभ्यास करतात.