😳 अबब! आणि 'ते' फूल होते पारदर्शक


​
निसर्गाच्या खजिन्यात दडलेल्या चमत्कारिक गोष्टींपकी एक आहे डिपहिल्लेया ग्रे फूल. पहिल्यांदा हे फूल पाहिल्यावर तुम्ही अंदाजही लावू शकणार नाही की, यात काय वेगळेपण आहे. पाण्याच्या संपर्कात येताच हे सामान्य दिसणारे फूल पारदर्शी होते.

'स्केलेटन फ्लॉवर' असेही जपानच्या डोंगराळ भागात आढळणाऱ्या या फुलाला म्हणतात. वसंत ऋतूमध्ये हे फूल उमलते. पण पाऊस आला की, हे फूल पूर्णपणे पारदर्शी होते. पाऊस थांबल्यावर फूलाच्या पाकळ्या सुकतात आणि पुन्हा पांढऱ्या दिसू लागतात.