5 उत्तरे
5
answers
बँक खात्यांचे प्रकार कोणते?
5
Answer link
बँक हि एक वित्तीय संस्था असते, जी ठेव स्वरुपात रक्कम स्विकारते व ती कर्ज स्वरुपात वाटप करते व त्यातून उत्पन्न निर्माण करते.
बँक खात्याचे प्रकार:-
बँकांमध्ये साधारणपणे खालील प्रकारचे खाते असतात .
१. बचत खाते (Saving Account)
२. चालू खाते - (Currant Account)
३. मुदत ठेव खाते (Term Deposit Account)
१. बचत खाते :-
- बचत खात्यामध्ये खातेदार बँकेमध्ये गरजेनुसार रक्कम जमा करू शकतो व गरजेनुसार रक्कम काढू शकतो.
- साधारणतः बचत खात्यामध्ये ठेवण्यात आलेल्या ठेवीवर खातेदारास ४% ते ६% व्याज मिळते.
- बचत (सेविंग) खात्यावर व्यवहार करण्यासाठी खातेदारास चेकबुक एटीएम, एसएमएस बँकिंग, मोबाईल बँकिंग, इंटरनेट बँकिंग इत्यादी सुबिधा मिळतात.
- चालू खाते हे विशेषतः वित्तीय संस्था, कंपनी, व्यवसाय यांचा उपयोगास्ठी असते.
- बचत खात्याच्या तुलनेत चालू खातेदारास एका महिन्यात ठराविक संखे इतकिच व्यवहार करावा असे बंधन नसते.
- साधारणतः चालू खातेदारास खात्यामध्ये जमा असलेल्या रक्कमेवर व्याज मिळत नाही.
- मुदत ठेव खात्यामध्ये निश्चित काळासाठी ठराविक व्याज दराने रक्कम भारता येते.
- मुदत ठेव खात्यावर व्याज हे खातेदाराने जमा केलेल्या रक्कमेवर, मुदत ठेवच्या कालावधीवर आधारित असते.
- बँकांमध्ये मुदत ठेव रक्कमेवर कर्ज घेण्याची सुबिधा उपलब्ध असते. साधारणतः मुदत ठेव खात्यामध्ये ठेवलेल्या रक्कमेच्य ७०% ते ९०% कर्ज मिळते.
- मुदत ठेव खाते उघडते वेळी मुदत ठेव पूर्ण होण्याच्या ठरलेल्या तारखे पूर्वी रक्कम काढावयाची असल्यास बँकेच्या नियमानुसार काही प्रमाणात दंड आकारण्यात येतो.
3
Answer link
बँक खाते म्हणजे काय?
हे म्हणजे मुळात एक व्यवस्था आहे ज्यामध्ये व्यक्ती पैसे जमा करतो आणि आवश्यक तेव्हा काढून घेतो. जर ठेवीदार काही विशिष्ट नियम व अटीस पात्र असेल, तर तो व्याज स्वरूपात लाभ घेण्यास पात्र असतो.
खाती विविध प्रकारची आहेत:
1. बचत खाते
2. चालू खाते
3. आवर्ती ठेव खाते
4. मुदत ठेव खाते
5. नो फ्रिल्स खाते
बचत खाते: - हे खाते काही अटी आणि नियम अवलंबून प्रारंभी ठेव ठेवून उघडले जाऊ शकते. ठेव आणि पैसे काढणे हे व्यवहार फॉर्म, चेकचा वापर करून आणि ATM वापरून कोणत्याही वेळी या खात्यातून केले जाऊ शकते. आजकाल प्रत्येक बँकांनी मोफत व्यवहारांची संख्या मर्यादित केलेली आहे. त्यानंतर च्या व्यवहारावर शुल्क आकारले जाते. व्याज दर हे विविध घटकांवर अवलंबून असते: -
अ. ठेव मध्ये असलेली शिल्लक रक्कम
ब. किमान ठेव ची देखभाल
चालू खाते: - हे खाते मोठे व्यावसायिक, कंपन्या किंवा संस्था जसे शाळा किंवा महाविद्यालये आणि रुग्णालये यांच्याद्वारे त्यांच्या बँक खात्यातून व्यवहार करण्यासाठी सांभाळली जाते. या प्रकारच्या खात्यांमध्ये व्यवहारांची संख्या बंधनकारक नाही, म्हणून ही खाती त्यांना योग्य आहेत. या ठेवीवर, बँक व्याज अदा करत नाही. खातेदाराला खाते चालू ठेवण्याकरिता एक विशिष्ट ऑपरेशनल शुल्क द्यावे लागते. बँक उपलब्ध रकमेपेक्षा जास्त रक्कम काढून घेण्याची खातेदाराला परवानगी देते. या सुविधेला ओव्हरड्राफ्ट फॅसिलिटी म्हणून ओळखले जाते.
आवर्ती ठेव/RD: - हे खाते प्रकार नियमितपणे बचत करू इच्छिणाऱ्या लोकांसाठी उपयुक्त आहे. या मध्ये ठेवीदाराला नियमितपणे एक विशिष्ट रक्कम बचत करावी लागते आणि नियमितपणे ठरविलेल्या कालावधीत ठेवींवर योग्य उत्पन्नाची अपेक्षा असते. खाते उघडतांना, व्यक्ती ही काही कालावधीसाठी महिन्यातून एकदा एक निश्चित रक्कम जमा करण्यास सहमत असतो. मॅच्युरिटी (म्हणजे पूर्व नियोजित कालावधी) झाल्यावर व्याजासह एकूण ठेव देय केली जाते. तथापि, ठेवीदार मॅच्युरिटी आधी खाते बंद करू शकतो, त्यामुळे याला Pre-closure of RD किंवा Liquidating RD असे म्हटले जाते. Pre-closure च्या बाबतीत एक दंड आकारण्यात येते आणि व्याज दर देखील बदलते. बचत खाते पेक्षा यामध्ये अधिक व्याज दर दिला जातो, पण त्याच कालावधीसाठी मुदत ठेव मध्ये व्याज दर यापेक्षा अधिक असते.
मुदत ठेव/FD: - हे सुद्धा एक प्रकारचे खाते आहे, पण ठेवीदार यामध्ये एकाच वेळेस एक मोठी रक्कम भरतो आणि अधिक व्याज दिले जाते.
नो फ्रिल्स खाते: - मूळ बचत बँक ठेव खाते तुम्हाला किमान शिल्लक गरज शून्य ठेवण्याची परवानगी देते. बँक द्वारे उघडलेले सर्व विद्यमान ' नो फ्रिल्स ' खाती आता भारतीय रिझर्व्ह बँक (RBI) द्वारे 22 ऑगस्ट 2012 रोजी सादर केलेल्या मार्गदर्शक तत्वांचे पालन मध्ये BSBDA मध्ये रूपांतरित केलेले आहेत. BSBDA मार्गदर्शक तत्त्वे हे भारतात शाखा असलेल्या परदेशी बँका यांच्या समावेशासह भारतातील सर्व शेड्युल्ड व्यापारी बँकांना लागू आहेत. निष्क्रिय 'मूलभूत बचत बँक ठेव खाते' वर कोणतेही शुल्क आकारले जाणार नाही.
- धन्यवाद
0
Answer link
बँक खात्यांचे विविध प्रकार आहेत, जे आपल्या गरजेनुसार निवडता येतात.
1. बचत खाते (Saving Account):
हे खाते सामान्यपणे पैसे जमा करण्यासाठी आणि काढण्यासाठी वापरले जाते. या खात्यावर बँक काही प्रमाणात व्याज देते.
2. चालू खाते (Current Account):
हे खाते व्यापारी आणि व्यावसायिक लोकांसाठी उपयुक्त आहे. यात पैसे काढण्याची आणि जमा करण्याची मर्यादा नसते. या खात्यावर व्याज मिळत नाही.
3. मुदत ठेव खाते (Fixed Deposit Account):
या खात्यात ठराविक कालावधीसाठी पैसे जमा केले जातात. यावर बचत खात्यापेक्षा जास्त व्याज मिळते.
4. आवर्ती ठेव खाते (Recurring Deposit Account):
या खात्यात दर महिन्याला ठराविक रक्कम जमा केली जाते. मुदत पूर्ण झाल्यावर व्याजासहित पैसे मिळतात.
5. डिमॅट खाते (Demat Account):
हे खाते शेअर्स आणि इतर सिक्युरिटीज इलेक्ट्रॉनिक स्वरूपात ठेवण्यासाठी वापरले जाते.
6. NRI खाते (NRI Account):
हे खाते अनिवासी भारतीयांसाठी (Non-Resident Indian) असते. यात NRE (Non-Resident External) आणि NRO (Non-Resident Ordinary) असे दोन प्रकार असतात.
अधिक माहितीसाठी, आपण बँकेच्या वेबसाइटला भेट देऊ शकता.