⇒ अग अग म्हशी, मला कुठे नेशी? 
"स्वतःला हवी असलेली गोष्ट, जी दुसर्याच्या आग्रहामुळे करावी लागत आहे असे दाखवणे."

⇒ आळी मिळी गुपचिळी 
"आपले गुपित किंवा रहस्य उघडकीस येऊ नये म्हणून गप्प बसणे."

⇒ अग माझे बायले, सारे तुला बाह्यले
"बायकोच्या म्हणण्याप्रमाणे वागला, तिला कितीही दिले ,तरी ती ती काय समाधानी राहत नाही."

⇒ संगोसंगी वडाला वांगी
"एखादी विशिष्ट गोष्ट एकाने दुसरयाला , दुसरयाने तिसरयाला सांगताना शेवटी मूळ गोष्ट बाजूला राहून तिसरेच काहीतरी निर्माण होणे."

⇒ अंगापेक्षा बोंगा जड
"आहे त्या परिस्थिती पेक्षा जास्त मोठेपणाने मिरवणे."

⇒ एकाने गाय मारली म्हणून दुसरयाने वासरू मारू नये
"समोरच्या माणसाने आपल्याशी बेजबाबदार वर्तन केल्यास आपणही त्याचेच अनुकरण करू नये."


⇒ अंगाला सुटली खाज, हाताला नाही लाज.
"गरजवंताला अक्कल नसते."

⇒ अति शहाणा त्याचा बैल रिकामा
"अति शहाणपणा दाखवायला गेल्यास कुठलेही काम व्यवस्थित होत नाही ..शेवटी नुकसानच होते ."

⇒ अंथरूण पाहून पाय पसरावेत
"स्वतः च्या आमदनीच्या प्रमाणात खर्च करावा"

⇒ अंधळं दळतं अऩ कुत्र पिठ खातं
"भविष्याचा विचार न करता काम करत रहाणे"

⇒ आपला तो बाब्या, दुसऱ्याचे ते कार्टे
माणसाला आपल्या सर्व गोष्टी चांगल्या वाटतात पण दुसऱ्याच्या गोष्टीत त्याला दोष दिसतात.

⇒ गुरूची विद्या गुरूस फळली - भोंवली
"लोकांस फसविण्याची युक्ति ज्याला शिकविली त्यानेंच याला ( शिकविणाराला ) फसविलें."

⇒ कोरड्याबरोबर ओले जळते
अपराध्याबरोबर निरपराध्यानाही दोष दिला जातो.

⇒ आपलेच दात अन आपलेच ओठ
दोषी ठरविणारे आपणच अन ज्यांना दोषी ठरविले तेही आपलेच.

⇒ टाकीचे घाव सोसल्याशिवाय देवपण येत नाही
कष्ट घेतल्या शिवाय मोठेपणा मिळत नाही.

⇒ डोगंर पोखरून उंदीर काढणे
कष्टाच्या मानाने अगदीच अल्प मोबदला मिळणे.

⇒ ढवल्या शेजारी बांधला पवळा, वाण नाही पण गुण लागला
संगतीने दुसऱ्यातील गुण येण्याऐवजी दुर्गुण मात्र घेतले जातात.

⇒ तण खाई धन
क्षुल्लक गोष्टी पुढे घात करतात.

⇒ तापल्या तव्यावर पोळी भाजून घेणे
आलेल्या संधीचा फायदा घेणे.

⇒ तेल गेले, तूप गेले, हाती धुपाटणे आले
जास्त फायद्याची आशा धरल्याने थोडासा होणारा फायदाही जातो अन शेवटी नुकसान मात्र होते.

⇒जित्याची खोड मेल्याशिवाय जात नही
अंगी पूर्ण बाणलेल्या सवयी जन्मभर जात नाहीत.

⇒जी खोड बाळा ती जन्म काळा 
जन्मजात अंगी असलेले गुण किव्हा दुर्गुण जन्मभर जात नाहीत.

⇒जेवीन तर तुपाशी नाहीतर उपाशी 
मिळाले तर चांगले पाहिजे नाहीतर मुळीच नको.

⇒जावे त्याच्या वंशा तेंव्हा कळे
एखादी गोष्ट आपण प्रत्यक्ष करू लागल्याशिवाय त्यामधील अडचणी कळून येत नाहीत.

⇒जाळात राहून माशाशी वैर कशाला
"समाजात ज्यांच्या सोबत राहायचे आहे त्यांच्याशी शत्रुत्व करू नये.".

⇒ज्याची खावी पोळी, त्याची वाजवावी टाळी 
उपकारकर्त्याच्या बाजूने बोलावे.

⇒ज्या गावच्या बोरी, त्याच गावच्या बाभळी
एकाच गावातील लोक एकमेकांना चांगले ओळखतात..

⇒खाण तशी माती
आई-वडिलांप्रमाणेच मुले असतात..

⇒केळीवर नारळी अन घात चंद्रमौळी
अत्यंत गरीब परिस्थिती असणे.

⇒ज्याचे कुडे त्याचे पुढे
दुसऱ्याचे वाईट इच्छिनाऱ्याचेच वाईट होते .


⇒ असेल माझा हरी, तर देईल खाटल्यावरी
स्वतः आळशी पणाने काहीही उद्योग न करता दैवावर विसंबून सर्व सुखे मिळण्याची अपेक्षा धरणे .

⇒ आयजीच्या जीवावर बायजी उदार 
दुसर्यांकडून मागून घेऊन अन्य वक्तीला देऊ करणे आणि वर स्वतःला दानशूर म्हणून घेणे .

⇒ गाजराची पुंगी वाजली तर वाजली, नाहीतर मग मोडून खाल्ली 
एखाद्या गोष्टीचा उपयोग आपल्या अपेक्षेप्रमाणे झाला तर ठीक,नाहीतर त्याचा अन्य तर्हेने उपयोग करणे.

⇒ तोबरयाला पुढे ,लगमला मागे 
फायद्याचा वेळी पुढे पुढे, कामाच्या वेळी मात्र मागे मागे .

⇒ अडला हरी गाढवाचे पाय धरी 
अडचणीच्या वेळी कुणाचीही मदत घ्यावी लागते

⇒ अती केला अनं मसनात गेला 
कुठलीही गोष्ट मर्यादित करावी , अन्यथा तिचा शेवट होतो .

⇒ वासरात लंगडी गाय शहाणी 
वेड्या लोकात थोडीफार जर बुद्धी असला तरी तो शहाणा समजला जातो .

⇒ अती तिथं माती 
कुठलीही गोष्ट अति केली कि तिचा शेवट निश्चित.

⇒ अती राग भिक माग 
जास्त राग केल्याने आपलेच नुकसान होते.

⇒ दुष्काळात तेरावा महिना 
आधीच संकटात असताना आणखी संकट येणे.

⇒ आपल्या हाताने आपल्याच पायावर दगड
स्वतः च स्वतः चे नुकसान करून घेणे.

⇒ आरोग्य हीच धनसंपत्ती
आरोग्य हीच मनुष्याची सर्वात मोठी संपत्ती आहे.

⇒ ऐकावे जनाचे करावे मनाचे 
लोकांचे मत जाणून घेऊन आपल्या मनाला पटेल तेच करने.

⇒ आंधळा मागतो एक डोळा देव देतो दोन डोळे
अपेक्षेपेक्षा जास्त लाभ होणे.

⇒ आ‌ई भाकर देत नाही अऩ बाप भिक मागू देत नाही 
बाजूने अडचणीची स्थती निर्माण होणे.

⇒ घर पहावे बांधून, लग्न पहावे करून 
अनुभवाने माणूस हुशार होणे.

⇒ आली अंगावर, घेतली शिंगावर 
जश्यास तसे उत्तर देणे.

⇒ अपुऱ्या घड्याला डबडब फार 
विद्वत्ता नसताना उगीव्ह बढाया मारणे.

⇒ असेल हरी तर दे‌ईल खाटल्यावरी 
सगळ्या गोष्टी आयते मिळण्याची अपेक्षया करणे.

⇒घरोघरी मातीच्या चुली
सगळीकडे सर्वसाधारण एकच परिस्थिती असते.

⇒घर फिरले कि घराचे वासे फिरतात
घरातील कर्त्या माणसावर संकट आले कि , त्याचे आश्रितदेखील त्याच्यावर उलटतात.

⇒घरचे झाले थोडे अन व्याह्याने धाडले घोडे
आपलेच काम आपल्याला भरपूर असताना त्यात इतरांच्या कामाची भर पडणे.

⇒चढेल तो पडेल
ज्याची नुकसान सोसण्याची तयारी असते, तोच शेवटी यशस्वी होतो. प्रयत्न करणाराला एखाद्या वेळी अपयश हे यायचेच.

⇒चालत्या गाडीला खीळ
सुरळीत चाललेल्या गोष्टीत अडथळा येणे.

⇒चोराच्या मनात चांदणे
गुन्हा करणाऱ्याच्या मनात गुन्हा उघडकीस येईल कि काय याची सारखी भीती वाटत असते.

⇒चार दिवस सासूचे चार दिवस सुनेचे
प्रत्येकाच्या आयुष्यात केंव्हातरी चांगले दिवस येतात.

⇒जशी देणावळ तशी धुणावळ
आपण जसे दुसऱ्याच्या उपयोगी पडतो तसे दुसरे आपल्या उपयोगी पडतात.

⇒कुठे जशी भोग तर तुझ्यापुढे उभा
ज्या संकटाला आपण भितो तेच संकट आपल्यापुढे उभे राहते.

⇒चिंती पार ते येई घरा
दुसऱ्याचे वाईट व्हावे अशी इच्छा केली कि आपलेच वाईट होते.

⇒ लोका सांगे ब्रम्हज्ञान आपण स्वत : कोरडा पाषाण 
स्वतः ला काही माहित नसताना लोकांना शहाणपणा शिकवणे.

⇒असंगाशी संग प्राणाशी गाठ
दुष्टांशी सांगत फार मोठा घात करू शकते.

⇒आंधळा मागतो एक डोळा देव देतो दोन डोळे
अपेक्षेपेक्षा जास्त मिळणे.

⇒उडाला तर कावळा, बुडाला तर बेडूक
एखाद्या गोष्टीची परीक्षा होण्याकरिता काही काल वाट पहावी लागते.

⇒उथळ पाण्याला खळखळाट फार
थोडेसे ज्ञान असलेला माणूस त्याचा गाजावाजा फार करतो.

⇒उचलली जीभ लावली टाळयाला
शक्याशक्यतेचा विचार न करता बोलणे .

⇒ऊस गोड लागला म्हणून मुळासकट खाऊ नये
उपकारकर्त्याला फार त्रास देऊ नये, त्यामुळे आपलेच नुकसान होते.

⇒उंदराला मांजर साक्ष
दोघेही एकमेकांचे साक्षीदार.

⇒एक घाव दोन तुकडे
त्वरित निर्णय घेणे.

⇒एका हाताने टाळी वाजत नाही
भांडणात दोष काही एकाचाच नसतो.

⇒करावे तसे भरावे
आपण जशी कृती करतो तसेच त्याचे फळ मिळते.

⇒एक न धड भाराभर चिंध्या
एकाच वेळी अनेक गोष्टी करत राहिल्यास त्यातली एकही गोष्ट चांगली होत नाही.

⇒ओळखीचा चोर जीवे न सोडी
ज्याला आपले वर्म माहित आहे, तोच आपले नुकसान करू शकतो.

⇒काप गेले पण भोके राहिली
अधिकार, संपत्ती जाते, पण त्यावेळाचा अंगी बाणलेला पोकळ अभिमान मात्र कायम असतो.

⇒काकडीची चोरी फाशीची शिक्षा
लहानश्या अपराधासाठी फार मोठी शिक्षा होणे.

⇒कर नाही त्याला डर कशाला
ज्याने अपराध केला नाही, त्याला शिक्षेची भीती नसते.

⇒एका माळेचे मणी
सगळेच सारखे असणे.

⇒कडू कारले तूपात तळले, साखरेत घोळले तरी ते कडूच
मुळचीच वाईट असणारी गोष्ट कितीही चांगली करण्याचा प्रयत्न केला, तरी ती चांगली होत नाही.

⇒कावळ्याच्या शापाने गाय मरत नाही
दूर्वर्तनी माणसाच्या कृत्याने एखाद्या चांगल्या कार्याचे नुकसान होत नाही.

⇒कामापुरता मामा
गरजेपुरता गोड बोलणारा.

⇒काखेत कळसा गावाला वळसा
आपली वस्तू आपल्याजवळच असते, पण लक्षात न राहिल्याने उगीचच तिचा शोध सगळीकडे करणे.

⇒कुत्र्याचे शेपूट वाकडे ते वाकडे
मुळचा स्वभाव कधी बदलत नाही.

⇒कुऱ्हाडीचा दांडा गोतास काळ
आपलाच एखादा नातेवाईक आपले नुकसान करतो.

⇒कोळसा कितीही उगाळला तरी तो काळाच
वाईट गोष्टींची कितीही चीकीस्ता केली, तरी त्यातून काहीही चांगले निर्माण होत नाही.

⇒कुंपणाने शेत खाल्ले
रक्षकानेच चोरी करणे.

⇒खर्चणाराचे खर्चाते, पण कोठावळयाचे पोट दुखते
देणारा उदार मनाने देतो, पण इतरांना ते पाहवत नाही.

⇒ खाई त्याला खवखवे
अपराध्याच्या मनात अपराधाची सतत जाणीव होत असते.

⇒गर्जेल तो पडेल काय
जो तोंडाने नुसती बडबड करतो, त्याच्या हातून काही होईलच याची खात्री नसते.

⇒गर्वाचे घर खाली
जो गर्वाने वागतो त्याचे गर्व कधीतरी नाहीसा होतो.

⇒गरज सरो नी वैद्य मरो
आपले काम झाले, कि मदत करणाऱ्याची पर्वा राहत नाही.

⇒गाढवापुढे वाचली गीता
मुर्खाला कितीही उपदेश केला, तरी त्याचा काहीही उपयोग होत नाही.

⇒गाड्याबरोबर नळयाची यात्रा
एकमेकांशी संबधित असलेल्या गोष्टींपैकी एकाची जी स्थिती तीच दुसऱ्याची स्थिती होते.

⇒गाढवाला गुळाची चव काय
मूर्ख माणसाला चांगल्या गोष्टीचे महत्व कळात नाही.

⇒ अघळ पघळ अन घाल गोंधळ.
"मोठमोठ्या गोष्टी करणारा व्यक्ती कामात आळशी असतो."

⇒ अचाट खाणे अन मसणात जाणे.
"वाजवीपेक्षा जास्त जेवण करीत राहिले तर आपल्याच तब्येतीवर वाईट परिणाम होतो."

⇒ अटकाव नाही तेथे धुडगूस.
"जेथे प्रतिबंध नही तेथे गोंधळ होतो."

⇒अटक्याचा सौदा आणि येरझारा चौदा. 
"एखाद्या छोट्या कामासाठी उगीचच जास्त मेहनत करावी लागणे."

⇒अठरा विश्व दारिद्र. 
"अतिशय गरिबी."

⇒ अडक्याची भवानी, सापिकेचा शेंदूर. 
"क्षुल्लक गोष्टीसाठी भरमसाठ खर्च."


⇒ अति झाले अन आसू आले. 
"एखाद्या गोष्टीचा अतिरेक झाला कि ती दु:खदायी ठरते."

⇒ अती उदार तो सदा नादार. 
"आवश्यकतेपेक्षा जास्त खर्च केला कि सतत आर्थिक चणचण निर्माण होते."

⇒ अढिच्या दिढि सावकाराची शिडी. 
"अडलेला माणूस सावकाराच्या पाशात सापडतो."


⇒ अस्तुरीचा बात अन इडयाले नको काथ.
" मोठ्यांच्या गप्पाच अधिक असतात."

⇒ असेल तेंव्हा दिवाळी, नसेल तेंव्हा शिमगा.
"अनुकुलता असेल तेंव्हा चैन आणि नसेल तेंव्हा उपवास करण्याची पाळी."

⇒ असेल ते मितवा, नसेल ते भेटवा. 
"जे सहज मिळत असेल त्याला नकार देणे व मिळण्यासारखे नसेल त्याची इच्छा धरणे."

⇒ असे साहेब किती, सांमटीत हिंडे राती. 
"नावाचे साहेब कितीतरी असतात पण त्यांचा काही उपयोग नसतो."

⇒ असून नसून सारखा. 
"असला किंव्हा नसला तरी काही फरक पडत नाही."

⇒ असून अडचण नसून खोळंबा. 
"जर सोबत असेल तर तरी त्रास आणि नसेल सोबत तरी त्रास."

⇒ असतील शिते तर जमतील भुते.
"एखाद्या माणसाजवळ पैसा असेल किंवा त्याच्याकडून फायदा होणार असेल तर त्याच्या भोवती माणसे गोळा होतात."

⇒असतील मुली तर पेटतील चुली.
" संतती असल्यास हिस्सेवात होतीलच."

⇒अल्प बुद्धी, बहु गर्वी.
"कमी बुद्धीच्या मनुष्यास गर्व अधिक असतो."

⇒ अर्धी टाकून सगळीकडे धावू नये.
"संबध वस्तू मिळेल या आशेवर अर्धी मिळत असेल तर ती टाकू नये."

⇒ अर्थी दान महापुण्य. 
"गरजू माणसाला दान दिल्यामुळे पुण्य मिळते."

⇒ अरे माझ्या कर्मा, कुठे गेला धर्मा! 
"आपण चुका करून वर दैवाला दोष देण्यात काय अर्थ आहे."

⇒ अभी दिल्ली बहुत दूर है!
"आपण केलेल्या कामाच्या मानानं खूप काम, खूप काही साध्य करायचं बाकी असणे. "

⇒ अपापाचा माल गपापा.
"लोकांचा तळतळाट करून मिळवलेले धन झपाट्याने नष्ट होते."

⇒ अपमानाची पोळी, सर्वांग जाळी.
"स्वाभिमानी माणूस स्वतःचा अपमान कधीही सहन करीत नाही. "

⇒ अन्नाचा येतो वास, कोरीच घेते घास.
"अन्न न खाणे पण त्यात मन असणे."

⇒ अन्नाचा मारलेला खाली पाही नि तलवारीचा मारलेला वर पाही.
"सौम्यपणाने मनुष्य वश करता येतो पण उद्धटपणाने तो आपला शत्रू बनतो."

⇒ अन्नछत्रात जेवण वर मिरपूड मागणे.
"फुकट तर जेवायचे वर पुन्हा मिजास दाखवायची."

⇒ अन्न तारी, अन्न मारी.
"पचेल तेवढे खाल्ले तर शरीर सुदृढ बनते, पण वाजवीपेक्षा जास्त आहार शरीरास अपायकारक असतो."

⇒ अनोळख्याला भाकरी द्यावी पण ओसरी देऊ नये.
"अपरिचित माणसाशी फार सलगी करू नये."

⇒ अनोळखी उपाख्या आणि नऊ पट होम.
"अपरिचित माणसाशी केलेल्या व्यवहारात नुकसानच होते."

⇒ अनुभवाची सावली तीच विद्येची माऊली.
"अनुभवानेच ज्ञान प्राप्त होते."



⇒ हातघाई वर येणे
"उतावीळ होणे."

⇒ हातात कंकण बांधणे
"प्रतिज्ञा करणे."

⇒ हातपाय हलविणे
"काहीतरी प्रयत्न करणे."

⇒ हातापाया पडणे
"विनवणी करणे"

⇒ हव्यास धरणे
"उत्कट इच्छा धरणे"

⇒ हुतात्मा होणे
"उच्च ध्येयायासाठी बलिदान करणे."

⇒ हायसे वाटणे
"समाधान वाटणे."

⇒ अंग टाकणे
"अगदी कृश होणे."

⇒ अंग धरणे
"बाळसे धरणे."

⇒ उरात धडकी भरणे
"अतिशय भीती वाटणे."

⇒ उरी फुटणे
"मनाला सहन न होण्यासारखा धक्का बसणे."

⇒ हात ओला करणे
"जेवायला घालणे"

⇒ हात पसरणे
"याचना करणे"

⇒ हात गगनाला पोहोचणे
"गर्व होणे."

⇒ हात टाकणे
"मारणे"

⇒ हात मारणे
"ताव मारणे, फायदा करून घेणे."

⇒ हात चालणे
"पैसा मिळणे"

⇒ हात देणे
" मदत करणे."

⇒ हरभऱ्याच्या झाडावर चढविणे
"खोटी स्तुती करणे."

⇒ हात आखडता घेणे
"देण्याचे प्रमाण कमी करणे."

⇒ हातपाय गाळणे
"नाउमेद होणे."

⇒ हाडे खिळखिळी करणे
"अतिशय त्रास देणे."

⇒ सोक्षमोक्ष लावणे
"शेवट करणे."

⇒ संगनमत करणे
"एकमेकांशी बेत ठरविणे"

⇒ हातावर तुरी देणे
"फसवून पळून जाणे"

⇒ हातावर शीर घेणे
"जीवावर उदार होणे"

⇒योगक्षेम चालविणे
"चरितार्थ चालविणे"

⇒ रक्ताचे पाणी करणे
"अतिशय श्रम करणे."

⇒ रामराम ठोकणे
"कायमचा निरोप घेणे"

⇒ रामायण लावणे
"लांबड लावणे"

⇒ राम नसणे
"अर्थ नसणे"

⇒ रेवडी उडविणे
"फजिती करणे"

⇒ रंग दिसणे
"संभव असणे"

⇒ लाचार होणे
"निरुपाय होऊन शरण जाणे."

⇒ लांडगेतोड करणे
"शत्रूवर तुटून पडणे."

⇒ वाचनाला जागणे
"दिलेला शब्द पाळणे."

⇒ वाण पडणे
"कमी पडणे."

⇒ वाघाचे कातडे पांघरणे
"मुद्दाम ढोंग करणे."

⇒ वेसन घालणे
"मर्यादा घालणे"

⇒ वेड लागणे
"नाद लागणे"

⇒ वेड घेऊन पेडगावास जाणे
"मुद्दाम ढोंग करणे."

⇒ वनवास भोगणे
"हालअपेष्टा भोगणे"

⇒ वाटेला जाणे
"खोडी काढणे."

⇒ विकोपास जाणे
"अतिरेक होणे, मर्यादेबाहेत जाणे."

⇒ विधिनिषेध न बाळगणे
"कसलाच धरबंद नसणे."

⇒ विरंगुळा मिळणे
"मन रमणे, समाधान वाटणे."

⇒ शब्द खाली पडू न देणे
"मनाप्रमाणे वागणे."

⇒ शंभर वर्षे भरणे
"नाशाची वेळ येणे."

⇒ शिकस्त करणे
"खूप प्रयत्न करणे."

⇒ शोभा होणे
"फजिती करणे."

⇒ सही फिरणे
"प्रतिकूल वेळ येणे."

⇒ सळो कि पळो करून सोडणे
"अतिशय त्रास देणे."

⇒ सतीचे वाण घेणे
"अतिशय अवघड गोष्ट करण्याची जबाबदारी स्वीकारणे."

⇒ साखर पेरणे
"गोड गोड बोलून आपलेसे करण्याचा प्रयत्न करणे."

⇒ तोंडात साखर घालणे
"आनंदाने तोंड गोड करणे."

⇒ सोन्याचा धूर निघणे
"खूप संपत्ती असणे."

⇒ स्वर्ग दोन बोटे उरणे
"गर्व होणे."

⇒ रसातळाला जाणे
"नाश होणे."

⇒ राम नसणे
"अर्थ नसणे."

⇒ माणसे जोडणे
"माणसे आपलीशी करणे."

⇒ मानगुटीस बसणे
"अगदी पिच्छा पुरविणे."

⇒ मागमूस नसणे
"ठावठिकाणा नसणे."

⇒ मिंधे बनणे
"लाचार बनणे."

⇒ मुभा असणे
"परवानगी असणे, मोकळीक असणे."

⇒ मुसंडी मारणे
"एकदम धडक मारणे."

⇒ मृत्युच्या दाढेत लोटणे
"मरण जवळ करणे."

⇒ राम म्हणणे
"मरणे."

⇒ मिशीला पीळ देणे
"बढाई मारणे."

⇒ मुठीत ठेवणे
"ताब्यात ठेवणे."

⇒ मूठमाती देणे
"शेवट करणे."

⇒ मांजराच्या गळ्यात घंटा बांधणे
"अशक्य गोष्ट करू पाहणे."

⇒ मिशांना तूप लावणे
"उगीच ऐट करणे."

⇒ बाजार आटोपणे
"सर्वकाही संपणे."

⇒ बाजारच्या भाकरी भाजणे
"दुसऱ्याच्या उठाठेवी करणे."

⇒ बाहुलीप्रमाणे नाचविणे
"आपल्या तंत्राप्रमाणे वागविणे."

⇒ भिडेला बळी पडणे
"आग्रहापुढे मान तुकाविणे."

⇒ भिक घालणे
"जुमानणे."

⇒ भिकेचे डोहाळे लागणे
"दारिद्रीपणाने वागणे."

⇒ मन जाणे
"इच्छा होणे."

⇒ मनात भरणे
"पसंत पडणे."

⇒ मन खाणे
"मनाला टोचणी लागणे."

⇒ मनातल्या मनात जळणे
"जळफळणे."

⇒ मान ताठ ठेवणे
"अभिमानाने जगणे, बोलणे."

⇒ मनात मांडे खाणे
"मनोराज्य करणे."

⇒ मन घालणे
"लक्ष देणे."

⇒ माती करणे
"नाश करणे."

⇒ माशा मारीत बसणे
"कसातरी वेळ घालविणे."

⇒ पाणी मुरणे
"भानगड असणे."

⇒ पाणी दाखविणे
"कर्तबगारीची जाणीव करून देणे."

⇒ कोणाचा पायपोस कोणाच्या पायात नसणे
"अंदाधुंदी असणे."

⇒ तोंडाला पाणी सुटणे
"आशा उत्पन्न करणे."

⇒ बोलाफुलाची गाठ पडणे
"सहजासहजी एकवेळ येणे."

⇒ बोटे मोडणे
"चडफडणे."

⇒ बारा वाजणे
"नाश करणे."

⇒ बलिदान करणे
"प्राण अर्पण करणे."

⇒ बिमोड करणे
"नायनाट करणे."

⇒ बेभान होणे
"आवेश अनावर होणे."

⇒ पोटात शूळ उठणे
"मत्सर वाटणे."

⇒ पोट बांधणे
"उपाशी राहणे."

⇒ पाठीमागे भुंगा लावणे
"एकसारखा त्रास देणे."

⇒ पायरीला पाय लावणे
"दर्जा सोडून वागणे."

⇒ पराचा कावळा करणे
"एखादी गोष्ट फुगवून सांगणे.

⇒ दुवा देणे
"भले म्हणणे."

⇒ दु:ख वेशीला टांगणे
"संकटे लोकांपुढे मांडणे."

⇒ दगाबाजी करणे
"विश्वासघात करणे."

⇒ दुधात साखर पडणे
"आनंदात आणखी आनंदाची भर पडणे."

⇒ दात घशात उतरविणे
"पराभव करणे."

⇒ दगडाखाली हात सापडणे
"अडचणीत येणे."

⇒ दगडाला शेंदूर फासणे
"उगीचच एकाद्याला महत्व देणे."

⇒ दु:खावर डागण्या देणे
"दु:खी माणसाला टोचून बोलणे."

⇒ धूळ चारणे
"मान-भंग करणे."

⇒ धुळीस मिळणे
"नाश होणे."

⇒ धावे दणाणने
"फार भीती वाटणे."

⇒ धाब्यावर बसविणे
"बाजूस सारणे."

⇒ धूळ खात पडणे
"वाया जाणे."

⇒ नाक उंच करून बोलणे
"अभिमानाने बोलणे."

⇒ ताव मारणे
"भरपूर खाणे."

⇒ तोंड सोडणे
"वाटेल तसे बोलणे, उपशब्द बोलणे."

⇒ तोंड वासून पाहणे
"आश्चर्याने पाहणे."

⇒ तोंडाला कुलूप लावणे
"गप्प बसणे."

⇒ तोंडचे पाणी पळणे
"खूप भीती वाटणे."

⇒ तोंडात मारून घेणे
"पश्चाताप होणे."

⇒ तोंड काळे करणे
"निघून जाणे."

⇒ तोंडत शेण घालणे
"समाजात छी: थू होणे."

⇒ तोफेच्या तोंडी देणे
"संकटात लोटणे."

⇒ तोंडघशी पाडणे
"विश्वासघात करणे."

⇒ तुपाच्या आशेने उष्ट खाणे
"फायद्यासाठी अपमान सहन करणे."

⇒ तंबी देणे
"धाक घालणे."

⇒ थंड फराळ करणे
"उपाशी राहणे."

⇒ थैमान घालणे
"धिंगाणा घालणे."

⇒ दात पाडणे
"फजिती करणे."

⇒ टाळूवरून हात फिरवणे
"पूर्ण वाटोळे करणे."

⇒ टाळूवरचे लोणी खाणे
"खरा फायदा उपटणे."

⇒ टक्केटोणपे खाणे
"चांगल्या वाईट अनुभवांनी शहाणे होणे."

⇒ टेंभा मिरविणे
"बडेजाव दाखविणे."

⇒ टिवल्याबावल्या करणे
"कसातरी वेळ घालविणे."

⇒ ठाण मांडणे
"निर्धार करणे."

⇒ डोके खाजाविणे
"युक्ती शोधणे."

⇒ डोके देणे
"धीराने तोंड देणे."

⇒ डोके भडकणे
"संतापणे."

⇒ डोक्यावर बसणे
"फाजील मान देणे."

⇒ डोक्यात भरविणे
"भरीस घालणे."

⇒ डोळ्यावर धूर येणे
"सत्तेचा अगर संपत्तीचा गर्व होणे."

⇒ डोळे उघडणे
"पश्चाताप होणे."



⇒कोंबडे झुंजवणे
"भांडण लावून मजा पाहणे."

⇒काळजाचे पाणी होणे
"अतिशय घाबरणे."

⇒कोंड्याचा मांडा करणे
"आहे त्यातून चांगले निर्माण करणे."

⇒खस्ता खाणे
"कष्ट करावे लागणे."

⇒खडे फोडणे
"व्यर्थ दोष देणे."

⇒खापर फोडणे
"दोष देणे."

⇒खनपटीस बसणे
"एखाद्या गोष्टीच्या मागे सारखे लागणे."

⇒खाल्ल्या घराचे वासे मोजणे
"एखाद्याने केलेले उपकार न स्मरणे."

⇒खिसा गरम करणे
"पैसा मिळवणे."

⇒गय करणे
"अपराध्यास सोडून देणे, क्षमा करणे."

⇒गळ घालणे
"आग्रह धरणे."

⇒गयावया करणे
"काकळूतीस येणे."

⇒गहजब करणे
"फार बोभाटा करणे."

⇒गळ्यातला ताईत होणे
"अत्यंत प्रिय होणे."

⇒ग्रहण सुटणे
"काळजी नाहीसी होणे."

⇒गाढवाचा नांगर फिरवणे
"पूर्ण वाटोळे करणे."

⇒गंगेत घोडे न्हाणे
"काम तडीस जाणे."

⇒गाई पाण्यावर येणे
"रडायला येणे."

⇒घर बसणे
"एखाद्या कुटुंबाचा पूर्ण नाश होणे."

⇒घरावर तुळशीपत्र ठेवणे
"घराची आशा सोडणे."

⇒गुजराण करणे
"कसेतरी पोट भरणे."

⇒घर धुवून नेणे
"घरातील बहुतेक वस्तू नेणे."

⇒घोडे मारणे
"आगळीक करणे."

⇒घोडा मैदान जवळ येणे
"कसोटीची वेळ जवळ येणे."

⇒चटका बसणे
"दु:ख होणे."

⇒चकार शब्द न काढणे 
"काहीही न बोलणे."

⇒चटणी होणे 
"नाश होणे."

⇒चीज करणे 
"सार्थक करणे."

⇒चौदावे रत्न दाखविणे 
"खूप मार देणे."

⇒छक्केपंजे करणे
"हातचलाखीने फसवणे."

⇒छाती फाटणे 
"भयंकर घाबरणे."

⇒जीवनयात्रा संपणे
"मृत्यू पावणे."

⇒जीव मेटाकुटीस येणे
"फार त्रास होणे.

⇒जीव टांगणे
"काळजीत पडणे."

⇒जिवाचे रान करणे
"खूप कष्ट करणे."

⇒जीभ चावणे
"चापापणे."

⇒जिवाची मुंबई करणे
"चैन करणे."

⇒जीव भांड्यात पडणे
"काळजीतून मुक्त होणे."

⇒जिभेला हाड नसणे
"वाटेल तसे बोलणे."

⇒जीव लावले
"लळा लावणे."

⇒जेरीस आणणे
"शरण यायला भाग पाडणे."

⇒झाडा देणे
"परिणाम भोगणे."

⇒झुंबड उठणे
"गर्दी होणे."

⇒ पायाशी लोटांगण घालणे 
"शरण येणे."

⇒ पादाक्रांत करणे 
"जिंकणे."

⇒ पोटाशी धरणे 
"ममतेने वागविणे."

⇒ मन मोठे करणे 
"उदारपणा दाखविणे."

⇒ मन विरघळणे 
"दया उत्पन्न होणे."

⇒ मन मोडणे 
"मनाविरुद्ध वागणे "

⇒ मान टाकणे 
"निर्बल होणे."

⇒ मान तुकवणे 
"ऐकणे."

⇒ प्राण कंठाशी येणे 
"जीव कासावीस होणे."

⇒ प्राण पणाला लावणे 
"जीवावर उदार होणे, मृत्यूची परवा न करणे."

⇒ हाडाला खिलणे 
"पक्का होणे."

⇒ तोंड दाखवणे 
" भेटणे, समोर येणे."

⇒ तोंड लागणे 
"सुरवात होणे."

⇒ तोंडपाटीलकी करणे 
"काहीही कृती न करता नुसती बडबड करणे."

⇒ दातओठ खाणे 
"अतिशय संतापणे"

⇒ दातखिळी बसणे 
"गप्प बसणे, निरुत्तर होणे."

⇒ दात विचाकणे 
" याचना करणे."

⇒ नजरेत भरणे 
"आवडणे"

⇒ देह कारणी लावणे 
"चांगल्या कामासाठी देह झिजवणे."

⇒ देहभान हरपणे 
"स्वतः ला विसरून जाणे "

⇒ नाक खाली ठेवणे 
"गर्व नाहीसा होणे."

⇒ नाक ठेचणे 
"खोड मोडणे."

⇒ पाठीस लागणे 
"एकसारखा पिच्छा पुरवणे."

⇒ पाय काढणे 
"निसटणे"

⇒ पायांनी चालत येणे 
"विनाकष्ट प्राप्त होणे"

⇒ काळजाने ठाव सोडणे 
" धीर खचणे."

⇒ गळ्याला तात लावणे 
"फार मोठ्या संकटात लोटणे."

⇒ गळा मोकळा करणे 
"संकटातून मोकळे करणे."

⇒ गळी उतरणे 
"मनावर बिंबणे "

⇒ छातीचा कोट करणे 
"धैर्याने तोंड देणे. "

⇒ जीभ चाटणे 
"आशाळभूतपणे पाहणे."

⇒ जिभेवर असणे 
"पूर्णपणे माहित असणे."

⇒ जीव लावणे 
"माया लावणे."

⇒ जीवावर बेताने 
"जीव धोक्यात येणे."

⇒ जीवाची तमा न करणे 
"प्राणाची परवा न करणे."