प्रबोधन युग म्हणजे काय?? 👇👇


प्रबोधनाची व्याख्या :-
*** डेव्हिस या इतिहासकाराच्या मते, "लोकांच्या स्वातंत्र्यवादी कल्पनांची मुक्त अभिव्यक्ती, म्हणजे" प्रबोधन"होय...


1) फ्रेंच विद्वान जुल्स मिलीकेत यांच्या मते, "जगाचा शोध, व '' माणसाचा शोध" या प्रबोधन काळातील दोन महत्वपूर्ण गोष्टी होत..

2) 'रेनेसान्स' या शब्दाचा अर्थ इंग्रजी अर्थ "प्रबोधन" होय. 'रेनेसान्स' या मूळ फ्रेंच शब्दाचा अर्थ 'पुनर्जन्म' किंवा 'पुनरूज्जीवन' असा होतो.

3) "प्रबोधन" म्हणजे जीवनाच्या सर्व क्षेत्रात झालेली प्रगती होय.

4) प्रबोधनामुळे धर्मसत्ता, राजसत्ता, अर्थव्यवस्था, समाजव्यवस्था, कला, साहित्य, विज्ञान, अशा विविध क्षेत्रांत प्रगती झाली.

5) मानवास श्रेष्ठत्व व सन्मान मिळून मानवतावादी नवधर्म वाढीस लागला.

6) वैज्ञानिक शोधामुळे मानवी जीवन सुखी व संपन्न झाले..

7) मानवामध्ये वास्तववाद, बुद्धिवाद, निसर्गवाद, वाढीस लागून आधुनिक युगाला सुरूवात झाली...

    युरोपीय इतिहासात मध्ययुगाचा अखेरचा टप्पा म्हणजे इसवी सनाचे 13 वे ते 16 वे शतक प्रबोधन युग म्हणून ओळखले जाते. या कालखंडात प्रबोधन, धर्मसुधारणा चळवळ आणि भौगोलिक शोध या घटनांमुळे आधुनिक युगाचा पाया घातला गेला. म्हणूनच या काळाला 'प्रबोधन युग'असे म्हणतात.
    प्रबोधनयुगात युरोपातील कला, स्थापत्य, तत्त्वज्ञान इत्यादी क्षेत्रात ग्रीक व रोमन परंपरांचे पुनरुज्जीवन घडून आले. यातूनच सर्वांगीण प्रगतीला चालना मिळाली.प्रबोधनकाळात मानवतावादाला चालना मिळाली. माणसाचा माणसाकडे पाहण्याचा दृष्टिकोन बदलला. धर्म येवजी माणूस हा सर्व विचारांचा केंद्रबिंदू ठरला.प्रबोधन चळवळीने मानवी जीवनाची सर्वच क्षेत्रे व्यापून टाकली. ज्ञान, विज्ञान तसेच विविध कलांच्या क्षेत्रांत आपणांस प्रबोधन चळवळीचा अविष्कार पाहायला मिळतो. प्रबोधनकालीन कला व साहित्यामधून मानवी भावभावना आणि संवेदनाचे चित्रण होऊ लागले. लोकांना समजेल अशा प्रादेशिक भाषांमधून साहित्य निर्माण होऊ लागले.इ.स. 1450 च्या सुमारास जर्मनीच्या जोहान्स गुटेनबर्ग याने छपाई यंत्राचा शोध लावला. छपाई यंत्राचा शोध यामुळे नवे विचार,नव्या संकल्पना व ज्ञान समाजात सर्वांपर्यंत पोहोचू लागले....