श्रमदान चा शब्दशः अर्थ म्हणजे असे दान ज्यात दाता हा स्वतः काम करतो व त्याच्या या श्रमाचा इतरांना लाभ होतो .
बदलत्या वेळेनुसार ही संकल्पना बदलत चालली आहे व ती योग्य ही आहे . यामध्ये  काही व्यक्ती व संघटना स्वतः शारीरिक श्रम न करता चांगल्या कामकरिता निधी उभारून देतात व त्याचा परिणाम चांगला असतो
तुम्ही प्रश्न विचारल्या प्रमाणे लोकवर्गणीतून आलेल्या मशीन ने जरी काम होत असले तरी ते लोकांच्या वर्गणीतून आलेले आहे म्हणून ते दान श्रमदान च्या अर्थानेच सिद्ध होईल मग ते स्वयंचलित असो किंवा मानवाने चालवलेले यंत्र असो.
"श्रमदान" ह्या शब्दाचा वापर चांगल्या कामासाठी केलेले कष्ट असा होतो .
मात्र चांगल्या कामाचा परिणाम हा चांगलाच असतो म्हणून लोकांनी स्वतः अंगमेहनत घेतली अथवा निधी ,यंत्र पुरवून चांगले काम स्वतःच्या पैशाने केले तरी ते "श्रमदान"म्हणूनच ओळखले जाते व तेच योग्य आहे .
उदा.नाना पाटेकर व मकरंद अनासपुरे यांनी पाण्यासाठी जे काम केले त्यात लोकांनी अंगमेहनत ही घेतली व काहींनी मशीन व यंत्र सामुग्री पुरवून मदत केली होती .हेच ते श्रमदान .
थोडक्यात सांगायचे झाल्यास " विनामोबदला जनकल्याणसाठी घेतलेले कष्ट किंवा उभारून दिलेली यंत्र /पैसा म्हणजेच श्रमदान होय" .