पैसा म्हणजे काय?
पैसा = चलन + पत
सामान्यतः आपण चलन (करन्सी) व पत (क्रेडिट) यात फरक करत नाही. चलन व पत यांनी मिळून पैसा बनलेला असतो.
थोडक्यात फक्त छापलेले चलन म्हणजे पैसा नव्हे. तो तर पैशाचा फक्त दृश्य भाग झाला. त्यापलीकडे 'पत' नावाचा अदृश्य भागदेखील कार्यरत असतो. पत ही चलनाने निर्माण केलेली क्षमता किंवा शक्ती असते. बाजारात चलन कमी व पत जास्त असते. चलन पाया तर पत ही इमारत असते.
चलन मूर्त वस्तू तर पत ही त्याची सावली असते. वस्तूशिवाय सावली असू शकत नाही तसे चलनाशिवाय बाजारात पतनिर्मिती होत नाही.

* पैसा ही वस्तू व्यवहाराचे सर्वात सक्षम साधन आहे. वस्तूंच्या अदलाबदलीने होणाऱ्या व्यवहारांमधील प्रचंड गैरसोय पैशाच्या वापराने दूर झाली.
* वस्तू आणि सेवा या दोन्हींचे मूल्य पैशात करता येत असल्यामुळे पैसा हे माध्यम सर्वच व्यवहारांना उपयुक्त आहे.
* पैसा हे संपत्तीचे अर्थात श्रीमंतीचे मोजमाप आहे.

पैसा कसा मिळवावा?
* "जोडोनिया धन उत्तम वेव्हारे, उदास विचारे वेच करी', ही तुकोबांची उक्ती डोळ्यासमोर ठेवून पैसा मिळवावा आणि खर्च करावा.
धन मिळवण्याच्या मार्गाच्या भलेपणाविषयी थोडी जरी शंका असेल, तरी तो मार्ग त्याज्य समजावा.
* प्रामाणिकपणे कोणाचीही फसवणूक न करता आणि उचित व्यवहारांचा अवलंब करून पैसा मिळवावा.
* "पैसा म्हणजेच सर्व काही आहे,' हे मानणारे पैशासाठी वाट्टेल ते करायला तयार असतात. मिळविलेल्या पैशाचा आनंद घेता येईल इतकाच पैसा मिळवावा.

उदा:- पंधरा हजार रुपयांत घर कसे चालवावे?
* तुम्ही ज्यावर खर्च करता, यावरून तुमच्या आयुष्यात महत्त्व कशाला आहे, ते कळते.
* आपला जमा आणि खर्च किती होतो, याचा अनेक जणांना पत्ताच नसतो. 80ः20 तत्त्वाचा उपयोग करून महत्त्वाचे खर्च लिहून ठेवावेत. सर्वात जास्त रकमेपासून खर्च कमी करायला सुरवात करावी.

धन्यवाद....