बॉक्सिंग हा जगातील सर्वात जुन्या लढाऊ खेळांपैकी एक आहे. ज्यामध्ये दोन खेळाडू एकमेकांशी त्यांची इच्छाशक्ती, प्रतिक्षेप, सहनशक्ती, वेग आणि शक्ती वापरून लढतात.

बॉक्सिंग खेळ पूर्वी “पौग्लिझन” या नावाने ओळखला जात होता. बॉक्सिंग हा खेळ सर्वात लोकप्रिय खेळांपैकी एक आहे, विशेषतः युरोप आणि अमेरिकेत. जॅक जॉन्सन, जो लुईस, मोहम्मद अली, मिकी वाँकर यासारख्या अनेक दिग्गज खेळाडूंनी बॉक्सिंग ची कीर्ती जगभरात पसरवली आहे.

इतिहासात असे सांगितले जाते की हा खेळ चार हजार वर्षापूर्वी उत्तर आफ्रिकेत खेळला जायचा. नंतर हा खेळ ग्रीक आणि रोममध्ये देखील लोकप्रिय झाला.
असे म्हटले जाते की, प्राचीन काळात रोममध्ये एखादा अपराधी किंवा गुलामामध्ये हा खेळ खेळला जायचा. नंतर जो खेळाडू जिंकेल तो गुलामगिरीतून मुक्त व्हायचा. आपण गुलामगिरीतून मुक्त होऊ या आशेने तो आपल्या प्रतिस्पर्ध्यावर तुटून पडायचा आणि कित्येक वेळा यामध्ये एखाद्या खेळाडूचा मृत्यू व्हायचा. अखेर येथील एका अधिकाऱ्याने या लढाईवर बंदी घातली असे म्हटले जाते.



...आणि त्या क्षणानंतर भारतात बॉक्सिंग खेळाची तुफान क्रेझ वाढली history of boxing and indias achievements in olympic boxing
roman boxing game Image source-google


सुरुवातीला असे म्हटले जायचे की हा खेळ धोकादायक आहे, या खेळावर बंदी घालण्यात यावी, हा खेळ ऑलम्पिक मध्ये सुद्धा समाविष्ट करू नये. पण नंतर १९०४ मध्ये या खेळाला ऑलम्पिक मध्ये सहभागी करण्यावर एक समिती नेमण्यात आली.
समितीने परवानगी दिल्यानंतर हा खेळ १९०४ मध्ये ऑलम्पिक मध्ये समाविष्ट करण्यात आला. पण नंतर लगेच १९१२ च्या ऑलम्पिक स्पर्धेमध्ये या खेळात काही त्रुटी काढून या खेळाला पुन्हा ऑलिंपिक मधून बाहेर काढण्यात आले.

पुढे हा खेळ भारतातही आपले पाय रोवू लागला. १९२५ मध्ये बॉम्बे रेसिडेन्सी अँमेच्युअर बॉक्सिंग महासंघाची मुंबई येथे स्थापना झाली खरी, पण मुख्यतः एच. वि. पँईटनच्या प्रयत्नामुळे ती २५  फेब्रुवारी १९४९ रोजी खऱ्या प्रकारे कार्यरत झाली. भारताला Boxing मध्ये पहिले पदक मिळवण्यासाठी खूप वेळ लागला.