या उदारणातून समजेल तुम्हाला नेमकं क्लीन चिट काय आहे असे
– नरेंद्र मोदी यांना जातीय दंगलीबाबत क्लीन चीट दिली गेली आहे, असे भाजपाचे नेते सांगत असले तरी ही क्लीन चीट म्हणजे नेमके काय आहे हे स्पष्ट झालेले नाही आणि कोणत्याही न्यायालयाने नरेंद्र मोदी हे दंगलीबाबतीत निर्दोष आहेत असेही म्हटलेले नाही. तेव्हा त्यांच्या या क्लीन चीटबाबत योग्य तो खुलासा झाला पाहिजे, अशी अपेक्षा राहुल गांधी यांनी व्यक्त केली आहे. 

नरेंद्र मोदींना या दंगलींमध्ये क्लीन चीट मिळाली आहे असे म्हणणे घाईचे ठरेल, असेही राहुल गांधी म्हणाले. २००२ च्या गुजरात दंगली नियंत्रित करण्याच्या बाबतीत मोदी सरकारला अपयश आले. त्याचे कायदेशीर दायित्व कोणावर आहे यावर विचार केला गेला पाहिजे, असेही राहुल गांधी यांनी प्रतिपादन केले. 

मोदी यांची क्लीन चीट या विषयावर त्यांची मुलाखत झाली तेव्हा ते बोलत होते. सर्वोच्च न्यायालयाने गुजरात दंगलीच्या बाबतीत नरेंद्र मोदी यांना आरोपी करता येईल का, याचा शोध घेण्यासाठी एक विशेष तपास तुकडी नेमली होती. या तुकडीने असे मोदींना आरोपी करता येणार नाही असा अहवाल न्यायालयाला दिला. म्हणजे गुजरात दंगलीत मोदींचा सहभाग असल्याबद्दलचा कसलाही पुरावा या गटाला मिळाला नाही. त्यावरून भारतीय जनता पार्टीचे नेते दंगलीच्या बाबतीत मोदींना क्लीन चीट दिली असा दावा करत आहेत. त्यावरून ही मुलाखत झाली.

क्लीन चिट म्हणजे एखाद्या आरोपातून निर्दोष मुक्तता किंवा निर्दोष मुक्त करणे. अथवा निरपराधी असल्याचे सांगणे.