पूर्ण राज्यामध्ये सर्व बोर्ड विभागातून सर्वाधिक टक्केवारी मिळवणारा विद्यार्थी. उदा. महाराष्ट्र राज्यात एस एस सी परीक्षेत राज्यातून सर्वाधिक गुणवत्ता(टक्के)मिळवणारा विद्यार्थी.

#दहावीला बोर्डात येण्याकरीता साधारणपणे खालील बाबी जाणून घ्या:-

★खरेतर ते तुमच्या अभ्यासावर व इच्छा शक्तीवर अवलंबून आहे. तसेच तुमच्या चांगल्या आरोग्यावरही अवलंबून आहे.
इच्छा- आकांक्षा मोठ्या असतील तर त्यासाठी मेहनतपण तेवढीच असायला हवी. मनी जिद्द, दृढनिश्चय(संकल्प) ठेवा, प्रयत्न सतत चालू ठेवा. प्रयत्नात खंड पाडू नका. आळशीपणा व कंजुषपणा तर मुळीच करू नका. हलके जेवण करा पोट भरेल इतके दाबून खाऊ नका. पौष्टिक आहार घ्या. सकाळी व्यायम व योगासने सुद्धा करा. संध्याकाळी तासभर खेळायला व मोकळ्या हवेत फिरायला जा.

★तुमची इच्छा व धडपड ही इतकी प्रबळ ठेवा की जसे पाण्यात एखाद्याने दिर्घ वेळ दाबून ठेवल्यास बाहेर श्वास घेण्यासाठी जितके तुम्ही धडपडाल, प्रयत्न कराल तसे तुमचे प्रयत्न व इच्छा प्रबळ असू द्या. अशावेळी तुम्हाला समोरच्याने आपल्याला मारले असते. कधी एकदा श्वास घेतो असे वाटले असते. तसे इथेही वाटू द्या, इच्छा व धडपड प्रबळ ठेवा.

★दहावीला जर तुम्हांला बोर्डात प्रथम यायचे असेल, तर तुम्हांला दहावीच्या शैक्षणिक वर्षाच्या सुरूवातीपासून अभ्यास करणे गरजेचे आहे. खरेतर ९वी पास झाल्यानंतर सुट्ट्यांच्या काळवधीतच दहावीच्या अभ्यासक्रमाचा आढावा घ्यावा व त्यानूसार अभ्यासाचे वेळापत्रक(नियोजन) ठरवावे.
असे काही नाही, की प्रथम येण्यासाठी इतका वेळ अभ्यास केला पाहिजे  तितका वेळ अभ्यास केला पाहिजे. पण मात्र सर्व विषयांचा दरोजचा दररोज अभ्यास झाला पाहिजे.

★प्रत्येक विषयांची दरोजच्या दररोज पुन:पुन्हा उजळणी(सराव) करा. पण सर्व विषयांना वेळ द्या. पण मात्र अभ्यासाचे तान घेऊ नका व दिवसभर अभ्यास करू नका. सकाळी, दुपारी व संध्याकाळी(रात्री) दोन-दोन तास अशी अभ्यासाची वेळ ठरवा.(सांगण्याचा मुद्दा असा की अभ्यासाच्या तासात अंतर ठेवा) मनावर घ्या पण डोक्यावर घेऊ नका. काही कारणास्तव राहिलेला अभ्यास त्या आठवड्यातच सुट्टीच्या दिवशी पूर्ण करा.

★प्रत्येक विषय व प्रकरण(धडा) नीट समजून घ्या. न समजल्यास शिक्षकांना विचारा.

★कठीण वाटणाऱ्या विषयांचा दररोज व वेळेवर अभ्यास करा. मुख्यत्वे  गणित, विज्ञान व इंग्रजी यांना जास्त वेळ द्या.

★विषयांच्या बाबतीत:-
१. गणित, विज्ञान व इंग्रजी यांना जास्त वेळ द्या. सूत्रे वगैरे पाठांतर करा. सराव,उजळणी करा.

२. मराठी, हिंदी व इंग्रजी या भाषा विषयांची घोकपट्टी करू नका. नीट समजून घ्या. निबंध व पत्रलेखनाचा लेखनसराव करा.

३.तसेच भुगोल, इतिहास व नागरीशास्त्र हे समजून घेणारे विषय आहेत. यात घोकपट्टी करू नका. पण मात्र इतिहासातील सनावळ्या लक्षात रहावे म्हणून क्रमाक्रमाने समजून घ्या व पाठांतर करा.

★परीक्षेच्या एक महिण्यापासून आधीचे सर्व प्रश्नपत्रिका सोडवून बघा. परीक्षेच्या कालावधीत जास्त जागू नका व अपुर्ण झोप ठेवू नका. साधारणपणे ६ ते ८ तास झोप घ्यावी.

★अभ्यासाचे सर्व पद्धीतींचा अवलंब करा. जसे वाचन, लेखन, मनन, चिंतण, उजळणी(सराव), पाठांतर करा.