लिक्विडीफाईड पेट्रोलियम गॅस हे कक्ष तापमानाला आणि दाबाला वायूवस्थेत असणारे हायड्रोकार्बन्सचे मिश्रण असते. मात्र हा वायू सहज साठवण, हाताळणी आणि वाहतुकीसाठी दाब देऊन द्रव अवस्थेत रुपांतरीत केला जातो आणि सिलिंडरमध्ये भरला जातो. हा वायू कच्चे तेल किंवा नैसर्गिक वायूचे भंजन करुन मिळवला जातो. एलपीजीमधील हायड्रोकार्बन्समध्ये मुख्यत्वे ब्युटेन आणि प्रोपेन हे घटक असतात. त्यात अल्प प्रमाणात समाविष्ट असणाऱ्या इतर घटकांपैकी काही पुढीलप्रमाणे: आयसोब्युटेन, ब्युटिलीन, एन-ब्युटेन, प्रोपिलीन, इ.