कोणताही डाग काढण्यासाठी प्रथम आपल्या घरातला जुना टूथब्रश जवळ ठेवावा. गंज काढण्यासाठी कोणत्याही तीक्ष्ण किंवा धारधार वस्तूंचा उदाहरणार्थ सुरी अथवा चाकूचा वापर करणं टाळावं कारण मुळात ह्या वस्तूही धातूच्याच आणि पुन्हा त्यांच्या घर्षणामुळे अधिक गंज चढण्याची शक्यता असते. त्यापेक्षा खाली नमूद केलेल्या गोष्टींचा वापर करून डाग सहज घालवता येतात.

मीठ आणि लिंबू  गंज आलेल्या डागावर थोडं मीठ भुरभुरवा. त्यानंतर त्यावर एक लिंबू पिळून टाका. हे मिश्रण संपूर्ण भिजेपर्यंत किंवा ते मुरेपर्यंत तसंच ठेवा. सुकलेलं हे मिश्रण दोन ते तीन तास तसंच ठेवावं. त्यानंतर लिंबाच्या सालीने हळुहळू ते घासून काढायचा प्रयत्न करावा.

व्हाइट व्हिनेगर आणि अँल्युमिनिअम फॉइल
अँल्युमिनिअम फॉइल व्हाइट व्हिनेगरमध्ये बुडवावं आणि त्यानंतर त्या फॉईलने गंजाचे डाग धुऊन काढावेत.

बेकिंग सोडा आणि पाणी
गंजावर बेकिंग सोडा टाकावा. त्यानंतर त्यावर हळुहळू पाणी घालून टूथब्रशच्या साहाय्याने गंज घासून काढावा. मात्र अशा पद्धतीचा वापर करण्यापूर्वी डाग कशावर पडलेला आहे, हे पाहणं गरजेचं आहे.

व्हिनेगर
गंजाचे लहान स्वरूपातले आणि पटकन निघतील असे डाग काढायचे असतील तरच व्हिनेगरचा वापर करावा. ज्यावर गंज चढला असेल ती वस्तू रात्रभर व्हिनेगरमध्ये बुडवून ठेवावी. सकाळी हलक्या हाताने घासून काढावी.

बटाटे आणि भांडी घासण्याचा साबण
कापलेला बटाटा साबणात किंवा बेकिंग सोडयामध्ये बुडवावा. भिजलेला बटाटा त्या गंजावर घासावा. आणि मग तो पृष्ठभाग कापडाने पुसून घ्यावा. हीच क्रिया परत परत करण्यासाठी भिजलेल्या बटाटयाचा वरचा काप काढावा. पुन्हा साबणात बुडवावा आणि गंजावर लावावा. रोजच्या वापरात असलेली लोखंडी भांडी उदा. तवा, कढई, पळी यांना शक्यतो पाण्यात फार वेळ ठेवू नये. वापरून स्वच्छ केल्यानंतर त्यांना तेल लावून ठेवावे. आणि सर्वात महत्त्वाची गोष्ट म्हणजे गंज काढल्यानंतर तो भाग पुसून कोरडा करावा. गंज चढू नये म्हणून सुरुवातीपासून काळजी घ्यावी. वेळोवेळी स्वच्छता ठेवून रंगरंगोटी केलीत तर गंज चढण्याची क्रिया कमी होईल.

भावा, 30 रुपये जाऊदे, पण त्याला भट्टीला टाक, घरगुती उपाय वापरू नकोस.

जर तुमच्या सफेद रंगाच्या शर्टला लोखंडी तारेचा गंज लागला असेल, तर तो काढण्यासाठी तुम्ही खालीलपैकी काही घरगुती उपाय वापरू शकता: