☙ केरळ - भारताच्या दक्षिणेकडील टोकाला असलेले राज्य आहे. कर्नाटक व तमिळनाडू या राज्यांच्या सीमा केरळला लागून आहेत. केरळच्या पश्चिमेला अरबी समुद्र व दक्षिणेला हिंदी महासागर आहे. भारताचे सर्वाधिक हिरवाईने नटलेले राज्य म्हणून केरळचा उल्लेख होतो. केरळ राज्याची स्थापना १ नोव्हेंबर, १९५६ रोजी झाली. तिरुअनंतपुरम ही केरळ राज्याची राजधानी असून कोची व कोळिकोड ही राज्यातील महत्त्वाची शहरे आहेत. मल्याळम ही राज्याची प्रमुख भाषा आहे.