आजच्या पिढीचे सरासरी आयुर्मान जागतिक स्तरावर ७२.६ वर्षे इतके आहे. भारतात हे सरासरी आयुर्मान ६९.७ वर्षे नोंदवले गेले आहे. गेल्या ४५ वर्षांत भारतीयांचे आयुर्मान २० वर्षांनी वाढले आहे.

भारतामध्ये शहरी आणि ग्रामीण भागातील आयुर्मानात फरक दिसून येतो. भारतातील शहरी भागातील लोकांचे सरासरी आयुर्मान ७३ वर्षे आहे, तर ग्रामीण भागातील लोकांचे सरासरी आयुर्मान ६८ वर्षे आणि ३ महिने आहे. महाराष्ट्रातील पुरुषांचे सरासरी आयुर्मान ७१.६ वर्षे, तर महिलांचे ७४ वर्षे आहे, याचा अर्थ महाराष्ट्रात महिला पुरुषांपेक्षा जास्त जगतात.

जागतिक आरोग्य संघटनेच्या अहवालानुसार, २००० ते २०१९ या कालावधीत जगातील मानवी आयुर्मानात सुमारे सहा वर्षांची वाढ झाली आहे. २००० साली पृथ्वीवरील व्यक्ती सरासरी ६६.८ वर्षे जगत होती. अतिसार, श्वसनमार्गाचे संक्रमण आणि हृदयविकारामुळे होणारे मृत्यू कमी झाल्यामुळे आयुर्मान वाढण्यास मदत झाली आहे.