नवीन सुनेशी कसे वागावे? तिची परीक्षा न घेता तिला आधार द्या

लग्न म्हटलं की मुलीसमक्ष अनेक प्रश्न उभे राहतात. नवीन विवाहित जीवनाबाबत तिच्या मनात अनेक आशा आणि शंका निर्माण होत असतात. भारतीय समाजात मुलीला बालपणापासून अनेक वेळा सांगितले जाते की एक दिवस तिचे लग्न होईल आणि तिचे संपूर्ण आयुष्य बदलेल. पण सूनही मुलीसारखी असते. नव्या वातावरणात नव्या सुनेच्या संगोपनाची जबाबदारी सासरच्या मंडळींनी चोखपणे पार पाडली तर लवकरच सूनही आपल्या नव्या कुटुंबाला मनापासून स्वीकार करते. नाहीतर ती ज्या पूर्वग्रहांनी सासरच्या घरात पाऊल ठेवते, ते कायमच राहतात. म्हणून सासरच्या मंडळीनी असे वागावे ज्याने नवीन सून सगळ्यांची लाडकी होईल आणि त्यांना स्वीकारेल.

 

अनेक जागी आपण वाचले असेल की सासरी कसे वागावे यावर उपाय सांगण्यात येतात परंतु सासरच्यांनी कसे वागावे यावर का विचार करु नये. म्हणून जाणून घ्या अशा काही गोष्टी च्या सासरच्यांनी देखील लक्षात घेतल्या पाहिजे- 

 

सन्मान द्या

आपल्या सुनेला कुटुंबाचा अविभाज्य सदस्य बनवण्यासाठी आणि तिचे मन जिंकण्यासाठी तिचा आदार करा. तिला आपले बनवण्यासाठी खर्‍या अर्थाने तिला तिच्या मनाप्रमाणे घरात राहण्याचा अधिकार द्या. तिचे छंद पूर्ण करण्यासाठी, तिचे आवडते पदार्थ बनवण्यासाठी तयारी दाखवा. ती अस्वस्थ किंवा थकलेली असेल तर तिला विश्रांती देण्याची संधी द्या. तिच्या आरोग्याबद्दल विचारपूस करा. तिला तुमच्याकडून खरे मातृप्रेम मिळाले तर ती देखील आपल्याशी आदर आणि प्रेमाने वागेल.

 

परीक्षा घेऊ नका

घरातील कामे असोत जसे स्वयंपाक, घर स्वच्छ राखणे, पाहुण्यांचे आगत्य करणे इतर कधीही आपल्या सुनेला अडचणीत आणण्याचा किंवा तिची चेष्टा करण्याचा किंवा तिची परीक्षा घेण्याचा प्रयत्न करू नका. असे करत असताना तुम्ही नकळत तिच्यात आणि तुमच्यात एक दूरी निर्माण करत असता. याऐवजी तिला जे जमत नसेल ते करण्यात तिची मदत करा. तिला शिकवा की या घरात कोणते काम कशा प्रकारे केलं जातं.

 

सुनेचं कौतुक करा

प्रशंसा ही कोणत्याही व्यक्तीसाठी सर्वोत्तम भेट आहे. कोणाचेही मन जिंकण्यासाठी खरी प्रशंसा आणि प्रोत्साहन पुरेसे आहे. जर तुम्हाला सून आपलीशी करायची असेल तर तिची स्तुती फक्त तिच्या समोरच नाही तर इतर लोकांसमोरही करा. यामुळे सुनेच्या मनात तुमच्याबद्दल आदर वाढेल. तुम्ही तिच्या च्वाईसची, एखाद्या पदार्थाची किंवा तिच्या मॅनेजमेंटची स्तुती करु शकता.

 

इतर सुनांशी तुलना नको

अनेक घरांमध्ये नवीन सुनेला तिचा कमीपणा दाखवण्यासाठी तिची तुलना वहिनी, नणंद, किंवा इतर सुनांशी केली जाते. इतरांबद्दल खूप कौतुक करुन सुनेला घालून-पाडून बोललं जातं. असे करणे योग्य ठरत नाही. एकदा का सुनेच्या मनातून आदर नाहीसा झाला तर जन्मभर ते मिळवण्यासाठी प्रयत्न करावा लागू शकतो.

 

जरा ॲडजस्ट करा

केवळ सुनेकडूनच अॅडजस्टमेंटची अपेक्षा करू नका तर तिच्या स्वभावानुसार आणि कामाच्या पद्धतीनुसार तुम्ही स्वतःलाही बदला. तिचे ऑफिस सकाळी लवकर असेल किंवा संध्याकाळी उशिरा राहिले तर त्यानुसार जेवण वगैरे बनवण्याची जबाबदारी घ्या. घरातील बाकीच्यांनीही सुनेच्या सोयीनुसार खाण्यापिण्याच्या सवयींमध्ये किंवा वागण्यात काही बदल करायला हवेत. यामुळे घरामध्ये अनावश्यक तणाव पसरणार नाही आणि वातावरण प्रसन्न राहील.

 

घरातील संस्कार आणि पद्धत समजण्यासाठी वेळ द्या

आल्या आल्या सुनेकडून सर्व एका दिवसात शिकण्याची अपेक्षा करु नये. आपल्या घरातील पद्धती, आवडनिवड, संस्कार हे वेळोवेळी तिला प्रत्यक्ष दाखवून शिकवा. एक-दोनदा नाही जमले तरी राग न करता पुन्हा प्रयत्न करण्याची संधी द्या. कठोर व्यवहार असल्यास नाती बिघडू लागतात त्यापेक्षा नवीन सुनेला तुमच्या कुटुंबातील चालीरीती आणि परंपरांबद्दल सांगत रहा परंतु तिच्या नोकरी, आरोग्य आणि सोयीनुसार त्यांचे पालन करायचे की नाही हे तिच्यावर सोडा. यामुळे नात्यात कधीही दुरावा निर्माण होणार नाही.

1. स्वागत आणि आपुलकी:

• नवीन सुनेचे घरात स्वागत करताना तिला कुटुंबाचा भाग असल्याची जाणीव करून द्या.
• तिच्या आवडीनिवडी आणि मतांचा आदर करा.
• कुटुंबामध्ये सामील होण्यासाठी तिला वेळ द्या.

2. संवाद:

• सुनेशी मनमोकळा संवाद साधा. तिच्या भावना आणि विचार समजून घ्या.
• घरातील नियम आणि अपेक्षा स्पष्टपणे सांगा, पण तिच्यावर लगेचच सर्व नियम लादू नका.
• तिला प्रश्न विचारण्याची आणि शंका निरसन करण्याची संधी द्या.

3. समजून घेणे:

• प्रत्येक व्यक्ती वेगळी असते, त्यामुळे सुनेला समजून घ्या. तिच्या सवयी, आवडीनिवडी आणि विचारसरणीचा आदर करा.
• दोन कुटुंबांतील भिन्नता असू शकते, त्यामुळे तिला जुळवून घेण्यासाठी वेळ द्या.

4. मदत आणि मार्गदर्शन:

• सुरुवातीला सुनेला घरामध्ये आणि कुटुंबात मदत करा.
• घरातील कामे शिकण्यास मदत करा, पण तिच्यावर कामाचा भार टाकू नका.
• आवश्यकतेनुसार तिला मार्गदर्शन करा, पण तिच्या निर्णयांमध्ये हस्तक्षेप करू नका.

5. सकारात्मक दृष्टीकोन:

• सुनेच्या चांगल्या गोष्टींवर लक्ष केंद्रित करा आणि तिची प्रशंसा करा.
• चूक झाल्यास तिला समजावून सांगा, पण टोमणे मारू नका.
• घरातील वातावरण सकारात्मक आणि आनंदी ठेवा.

6. विश्वास आणि आदर:

• सुनेवर विश्वास ठेवा आणि तिला कुटुंबाचा एक सदस्य माना.
• तिच्या मतांचा आदर करा आणि तिला निर्णय घेण्याची संधी द्या.
• घरातील महत्वाच्या विषयांवर तिची विचारपूस करा.

7. वैयक्तिक स्वातंत्र्य:

• सुनेला तिचे वैयक्तिक स्वातंत्र्य द्या. तिच्या मित्र-मैत्रिणींना भेटण्याची आणि आवडीचे काम करण्याची मुभा द्या.
• तिच्या करिअरला आणि महत्वाकांक्षांना पाठिंबा द्या.

8. परीक्षा टाळा:

• सुरुवातीलाच सुनेची परीक्षा घेण्यासारखे वागू नका. तिला सहजपणे मिसळण्याची संधी द्या.
• तिच्या चुकांवर पांघरूण घाला आणि तिला सुधारण्याची संधी द्या.

नवीन सुनेला आधार देण्यासाठी आणि तिला कुटुंबात सामील करण्यासाठी या सूचना उपयुक्त ठरतील.