⭕केस दाट होण्यासाठी घरगुती उपाय :

🏷ऑलिव्ह ऑइल –
ऑलिव्ह ऑइल मध्ये ओमेगा 3 फॅटी ऍसिड सारखे अनेक पोषक घटक असतात. केस घनदाट आणि मजबूत करण्यासाठी ऑलिव्ह ऑइल खूप उपयुक्त ठरते. यासाठी थोडे ऑलिव्ह ऑइल कोमट करून केसांच्या मुळाशी लावावे आणि त्यानंतर भिजलेला टॉवेल 30 मिनिटे केसांना गुंडाळून ठेवावा. हा उपाय आठवड्यातून 3 वेळा केल्यास केस मजबूत आणि घनदाट होण्यास मदत होते.

❗खोबरेल तेल –
पातळ झालेल्या केसांना दाट आणि मजबूत बनवण्यासाठी खोबरेल तेल उपयुक्त ठरते. यासाठी रोज झोपण्यापूर्वी केसांच्या मुळांना कोमट केलेले खोबरेल तेल लावावे व सकाळी अंघोळ करताना केस नेहमीप्रमाणे धुवून घ्यावेत. यामुळे केस दाट आणि मजबूत होण्यास मदत होते.
♦एरंडेल तेल –
एरंडेल तेल (कॅस्टर ऑईल) थोडे कोमट करून केसांच्या मुळाना लावावे आणि हलका मसाज करावा. त्यानंतर भिजलेला टॉवेल 20 मिनिटे केसांना गुंडाळून ठेवावा. यामुळे केस घनदाट आणि मजबूत होण्यास खूप मदत होते. आठवड्यातून दोन वेळा हा उपाय आपण करू शकता.

🏷कांद्याचा रस –
केसांच्या मुळांना कांद्याचा रस लावून हलका मसाज करावा. 20 मिनिटांनी केस शाम्पू करून धुवावेत. केसांच्या वाढीसाठी हा उपाय उपयुक्त ठरतो. यामुळे केस गळणेही कमी होते. केस घनदाट आणि मजबूत बनतात. आठवड्यातून एक ते दोन वेळा हा उपाय आपण करू शकता.

⭕बदाम तेल –
रात्री झोपण्यापूर्वी बदामाचे तेल केसांच्या मुळांना लावून हलका मसाज करावा आणि उठल्यावर सकाळी नेहमीप्रमाणे केस धुवावेत. बदाममध्ये केसांच्या वाढीसाठी आवश्यक असणारे व्हिटॅमिन-E मुबलक असते. त्यामुळे या उपायाने केसांची वाढ होण्यास तसेच केस मजबूत, चमकदार होण्यास मदत होते. आठवड्यातून दोन वेळा हा उपाय आपण करू शकता.

🌱कोरफडीचा गर –
केसांच्या मुळांना कोरपडीचा गर लावून हलका मसाज करावा. 20 मिनिटांनी केस शाम्पू करून धुवावेत. कोरफडमध्ये केसांसाठी आवश्यक असे अनेक पोषकघटक असतात त्यामुळे केसांची वाढ होण्यास मदत होते.