जिल्ह्य़ातील आमदार, खासदार यांच्या शिफारसीनुसार पालकमंत्री राज्याच्या मुख्यमंत्र्यांना ज्या कार्यकर्त्यांची नावे सुचवितात त्यांचीच या पदावर वर्णी लागत असते.त्यांना राजमुद्रा असलेले ओळखपत्र, परिचय पत्र, लेटर हेड बनविणे तसेच घरावर, गाडय़ांवर फलक लावून गावभर मिरविण्याची हौस भागवून घेताना दिसतात. दहावी-बारावीतील विद्यार्थ्यांच्या प्रशस्तिपत्रकांवर तसेच गुणपत्रिकांवर सही शिक्के मारण्याइतकाच मर्यादित अधिकार त्यांना राहिला आहे. 
राजकीय पक्षांकडून शिफारस करून निर्माण करण्यात आलेल्या विशेष कार्यकारी अधिकाऱ्यांना आता केवळ झेरॉक्स कॉपीवर साक्षांकणासाठी कागदपत्रांवर सही शिक्के मारण्याव्यतिरिक्त कोणतेही अधिकार शिल्लकराहिलेले नाहीत.