शरीरात रक्तातल्या पांढ-या पेशींची रोगजंतूंविरुध्दची लढाई चालू असते. या लढाईतून निघणा-या विषारी पदार्थामुळे ताप चढतो.  ताप येण्यासाठी मेंदूच्या केंद्रातून आदेश मिळतो. ताप बहुधा जंतुदोषामुळे येतो. जंतुदोषामुळे निर्माण होणा-या काही रासायनिक पदार्थांची मेंदूतल्या तापमान-नियंत्रण-केंद्रावर क्रिया होऊन ताप येतो. तापामुळे शरीरातल्या रासायनिक क्रियांना वेग येतो. म्हणून काही प्रमाणात ताप हा मूळ आजार बरा होण्यासाठी आवश्यक आहे. राग आल्याशिवाय जशी लढाई होत नाही तशी तापाशिवाय जंतूंशी लढाई होत नाही.  बारीक ताप असेल तर ताप उतरवण्याची आवश्यकता नसते. मात्र ताप जास्त असेल तर मेंदूवर परिणाम होऊ शकतो.

 

लहान मुलांना तापामुळे कधीकधी झटके येऊ शकतात. ताप किती आहे याबरोबरच कसा आहे हेही पाहणे महत्त्वाचे आहे.

`

ताप येणे हे शरीराच्या रोगप्रतिकारशक्तीचे (immune system) लक्षण आहे. जेव्हा शरीरात बाहेरील घटक प्रवेश करतात, तेव्हा शरीर तापमान वाढवून त्यांच्याशी लढण्याचा प्रयत्न करते.

जर ताप जास्त असेल किंवा काही दिवसांपेक्षा जास्त काळ टिकत असेल, तर डॉक्टरांचा सल्ला घेणे आवश्यक आहे.

टीप: ही माहिती केवळ सामान्य ज्ञानासाठी आहे आणि वैद्यकीय सल्ला नाही.