आपण जेव्हा इंटरनेट वापरताना www.google.com असं टाईप करतो तेव्हा हे संकेतस्थळ काही अंकामध्ये रूपांतरित होते, जसे १९२.२६८.०.१ असच काही. ते का तर www.google.com हे आपल्याला सोयीसाठी दिली पण संगणकाला ते माहित नसते. संगणक अंकांवर काम करतो.

DNS  म्हणजे DOMAIN NAME SYSTEM म्हणजे जे काही संकेतस्थळ आहेत जसे कि yahoo.com, facebook.com, gov.ac.in ह्यांना एक किंवा अनेक अशे विशिष्ट अंक दिलेले असतात. आपण टाईप केलेले संकेतस्थळ संगणकाला समजेल अश्या अंकात बदलणाऱ्या सिस्टिम ला DNS म्हणतात. 

बऱ्याच वेळा काय होते कि काही संकेतस्थळ अशी असतात जी कोणीही भेट देऊ नये अशी गरज आपल्याला पडते. जसे कि कंपनी मध्ये काम करत असताना फेसबुक वापरावे नाही. तेव्हा जी व्यक्ती नेटवर्क सांभाळणारी असते ती www.facebook.com ला तात्पुरत्या किंवा कायमचे बंद करु शकते. म्हणजे www.facebook.com आणि त्याचा संबंधित अंक हा संगणकाला माहित राहील कि ह्या अंकावरची कोणतीही request ला प्रतिसाद देऊ नये. ह्याला DNS BLOCK केलाय असं म्हणतात. तुम्ही किती हि वेळा facebook.com करा ते उघडणारच नाही.

कधी कधी एखादा संगणक खराब होतो किंवा त्यात व्हायरस येतो मग तो संगणक इतर नेटवर्क ला खराब करू शकतो, माहिती डिलिट करू शकतो. किंवा कधी कधी संगणकाचा मालकच काहीतरी अनपेक्षित करत असतो मग अश्या वेळेला त्या संगणकाने केलेली कुठलीही request , query पुढे जाऊ द्यायची नाही त्याहेतूने त्याला जो IP ADDRESS दिलाय तोच बंद करून द्यायचा. म्हणजे कोणतीही क्रिया त्या संगणकाने केली तर तिला इतर संगणकाकडून प्रतिसाद मिळत नाही त्याला IP BLOCK म्हणतात.

तीच व्यक्ती करते जी ने तो नेटवर्क, ते जाळ बनवले आहे. त्याला व्यक्तीला NETWORK अद्मिण किंवा NETWORK ऍडमिनिस्ट्रेटोर म्हणतात. हीच व्यक्ती नेटवर्क चे नियम जसे कि कोण कोणाला संपर्क करेल, कशा प्रकारे करेल, कोणाला बंद करायचा असं सगळे ठरवते.