वैनगंगा ही विदर्भातून वाहणारी सर्वात मोठी नदी असून त्या पाठोपाठ वर्धा व पैनगंगा या दोन प्रमुख नद्या आहेत, तर प्रत्येक जिल्ह्य़ातून वाहणाऱ्या छोटय़ा-मोठय़ा नद्यांच्या काठावरही शहरे वसलेली आहेत.

वैनगंगा नदीचा उगम मध्य प्रदेशातील सिवनी जिल्ह्यात समुद्र सपाटीपासून ६४० मीटर उंचीवर झाला आहे. तिथून ती बालाघाट जिल्ह्यातला सुमारे ९८ किलोमीटर प्रवास करून विदर्भातल्या चंद्रपूर जिल्ह्यात प्रवेश करते. विदर्भात ती गडचिरोली, गोंदिया, चंद्रपूर, नागपूर, भंडारा आणि वर्धा इतक्या जिल्ह्यांमधून वाहते.

अंधारी, कथणी, कन्हान, गाढवी, गायमुख, खोब्रागडी, चुलबंद, चोरखमारा, पोटफोडी, फुअर, बोदलकसा, वाघ, वाघनथरी, सुर या वैनगंगेच्या उपनद्या आहेत.