यासाठी तुम्हाला नावात बदलाचे शासकीय राजपत्र(गॅजेट) करून घ्यावे लागेल. ही सुविधा आता पूर्णपणे ऑनलाईन झाली आहे.

नाव बदलण्याची प्रक्रिया ऑनलाइन;
संगणक निरक्षरांसाठी स्वतंत्र केंद्रे

नाव, आडनाव, जन्मतारीख आणि धर्म बदलाच्या जाहिराती शासनाच्या राजपत्रात प्रसिद्ध करण्यासाठीची छापील अर्ज भरण्याची पद्धत संपुष्टात आणण्यात आली असून आता ही प्रक्रिया ऑनलाइन करण्यात आली आहे.


नवी प्रक्रिया अशी
ऑनलाइन अर्ज भरताना पासपोर्ट, वाहन चालक परवाना, मतदान ओळखपत्र, पॅनकार्ड, आधार कार्ड यापैकी कुठल्याही एकाची छायांकित प्रत जोडावी लागणार आहे.  www.dgpt.mahrashtra.gov.in या वेबसाइटवर बदलाबाबतचे अर्ज करता येतील. शासन राजपत्रही ऑनलाइनच प्रसिद्ध होईल.   20 दिवसांत प्रसिद्धी
आधी बदलाच्या नोंदीची जाहिरात राजपत्रात प्रसिद्ध होण्यासाठी 45 दिवसांचा कालावधी लागत होता. ऑनलाइन प्रक्रियेमुळे आता 15 ते 20 दिवसांत ही जाहिरात प्रसिद्ध होणार आहे. यामुळे अर्जदार व सरकारच्या वेळ आणि खर्चातही मोठी बचत होणार आहे.