स्वयं अध्ययन

स्वयं अध्ययन म्हणजे क्लासेस न लावता, शाळा, कॉलेज रेग्युलर न करता घरच्या घरीच स्वतः पुस्तकांच्या माध्यमातून अभ्यास करणे होय. बरेच विद्यार्थी अनेक कारणांमुळे स्वयं अध्ययन करतात. ते मोठे अधिकारी सुद्धा होतात. आता तर या कोरोनाच्या काळात सर्वचजण स्वयं अध्ययन करत आहेत.

स्वयं अध्ययन म्हणजे क्लासेस न लावता, शाळा, कॉलेज रेग्युलर न करता घरच्या घरीच स्वतः पुस्तकांच्या माध्यमातून अभ्यास करणे होय. बरेच विद्यार्थी अनेक कारणांमुळे स्वयं अध्ययन करतात. ते मोठे अधिकारी सुद्धा होतात. आता तर या कोरोनाच्या काळात सर्वचजण स्वयं अध्ययन करत आहेत.

स्वयंअध्ययन म्हणजे काय? अभ्यासासाठी दुसऱ्यावर अवलंबून न राहता स्वतःच विविध विषयांचा अभ्यास करणे, दुसऱ्याच्या नोटस्‌ अथवा बाजारपेठेतील रेडिमेड नोटस्‌ न हाताळता स्वतःच्या नोटस्‌ तयार करणे होय. या व्यतिरिक्त वार्षिक, सहामाही, मासिक व दैनंदिन अभ्यासाचे नियाजन करणे. आकलन, साठवण व वेळच्या वेळी उजळणी करून अभ्यासात रममाण होणे म्हणजे स्वयंअध्ययन पद्धतीचा वापर करणे होय. या पद्धतीमुळे तरुणाच्या सर्वांगीण उन्नतीच्या शक्‍यता बळावतात.

सुरुवातीला या पद्धतीसाठी वेळ लागत असला, तरी काही दिवसांनी याचे फायदेच अधिक वाट्याला येतात. आजकाल अनेक क्‍लासेसमुळे मुलांची स्वयंअध्ययनाची सवयच संपत चालली आहे. केवळ मार्कांच्या फूटपट्ट्या लावून आपण जगातील समृद्ध ज्ञान समजावून घेण्याचा प्रयत्न करतोय. केवळ घोकंपट्टीच्या तंत्राने बोलके पोपट तयार होत असतीलही; पण या समाजाला चिंतनशील, अनुभवसंपन्न व ज्ञानी अधिकाऱ्याची गरज आहे. त्यासाठीच आयोगाकडून बदलण्यात आलेल्या अभ्यासक्रमात आकलनाला अन्यन्यसाधारण महत्त्व दिले गेले आहे. या स्पर्धा परीक्षेत असाच विद्यार्थी स्वतःचे अस्तित्व निर्माण करू शकतो. ज्याच्याकडे एकलव्यासारखी तळमळ, स्वयंअध्ययनाची पद्धती आणि चिकाटी आहे.