थेट उत्तर देण्या आधी ऑनलाइन विक्रीबद्दल थोडी माहिती देतो.

ऑनलाइन विक्री करण्याच्या तीन पद्धती आहेत.

१)स्वत:च्या वेबसाइटद्वारे विक्री :
तुम्हाला एका चांगल्या वेब डेव्हलपरकडून ई-कॉमर्स वेबसाइट तयार करून घेणे, Payment Gateway निवडणे, त्याचे वेबसाइटमध्ये एकीकरण करणे, लॉजिस्टिक्ससोबत संधान करणे आणि डिजिटल मार्केटिंगद्वारे तुमच्या वेबसाइटची व उत्पादन वा सेवेची जाहिरात करणे अपेक्षित आहे.
वेबसाइटमध्ये शॉपिंग कार्ट असणे आवश्यक आहे. तुमची उत्पादने वा सेवा या शॉपिंग कार्टमध्ये ग्राहक पाहू शकतात व तेथेच हवे तेवढे नग विकत घेऊ शकतात. ग्राहकाने शॉपिंग कार्टमध्ये जाऊन मागणी नोंदवली, की पुढे तो Payment Gateway वर जातो. तिथे Payment केल्यानंतर तुम्हाला लॉजिस्टिक्सच्या माध्यमातून माल पाठवावा लागतो. माल ग्राहकाला मिळताच त्याच्याकडून Payment Release Request पाठवली जाते. त्याद्वारे Payment Gateway कडून तुमच्या बँक खात्यात झालेल्या विक्रीचे पैसे जमा होतात. या संपूर्ण प्रक्रियेला, म्हणजे ग्राहकाने तुमच्या वेबसाइटवरून माल खरेदी करण्याची ऑर्डर दिल्यापासून तुमच्या खात्यात मालाचे पैसे येईपर्यंत सुमारे पाच ते सात दिवस जाऊ शकतात.


२अन्य शॉपिंग कार्टद्वारे विक्री :
KartRocket, Build a bazaar, MartJack, इत्यदी ही काही third party online shop solutions आहेत. स्वत:ची ई-कॉमर्स वेबसाइट तयार करून घेऊन त्याद्वारे ऑनलाइन विक्री करण्यापेक्षा third party online shop solutions वापरून स्वत:चे वेबस्टोअर तयार करून त्यावर आपल्या उत्पादनांची विक्री करणे हे तुलनेने कमी खर्चीक आहे. त्यामुळे नव्याने ऑनलाइन विक्रीची सुरुवात करायची असल्यास हा पर्याय सोयीचा आहे.

३प्रस्थापित मार्केटप्लेसेसद्वारे विक्री:
Paytm, amazon , flipkart snapdeal प्रस्थापित मार्केटप्लेसेसची उदाहरणे आहेत. शिवाय अनेक लहान-मोठ्या वेबसाइट्ससुद्धा अशी मार्केटप्लेसेस सेवा पुरवतात. या मार्केटप्लेसेस म्हणजे एखाद्या सुपरमार्केटप्रमाणे आहेत. इथे फक्त तुमचाच माल विक्रीला नसून तुमच्यासोबत तुमच्या स्पर्धकाचाही माल विक्रीला ठेवलेला असतो. या मार्केटप्लेसेसचा सर्वात मोठा फायदा म्हणजे या वेबपोर्टल्सची मोठ्या प्रमाणात जाहिरात होत असते व खूप मोठ्या प्रमाणात ग्राहक या मार्केटप्लेसेसना खरेदीसाठी भेट देत असतात. इथे आपल्याला ग्राहकाला ओढून आणावे लागत नाही, तर ग्राहक स्वत:हून येतो. या


Paytm किंवा इतर मार्केटप्लेसेसमध्ये तुमचा माल विकण्यासाठी तुम्हाला या वेबसाइट्सवर जाऊन विक्रेता म्हणून नोंदणी करावी लागते. सोबत तुमच्या व्यवसायाचा पुरावा सादर करावा लागतो. पॅन क्रमांक, टॅन क्र., व्हॅट क्र., बँक खात्याचे तपशील या गोष्टींचे पुरावे सादर करावे लागतात. विविध मार्केटप्लेसेसवर विक्री करण्याचा एकच मोठा तोटा आहे की, ते तुमच्याकडून मोठ्या प्रमाणात कमिशन आकारतात. परंत तुलनेत तुमचा मार्केटिंग खर्चही कमी झालेला असतोच.
माहिती स्रोत
माहिती स्रोत