तलाठी हा महसूल खात्याचा वर्ग 3 चा कर्मचारी असतो, त्यावर नाजीकचे नियंत्रण मंडळ अधिकारी ठेवतात, तालाठ्याची निवड जिल्हा निवड समिती करते तर नियुक्ती जिल्हाधिकारी करत असतात.
  साधारणपणे दोन ते तीन गावे मिळून तलाठी सजा असतो, जमिनीचा महसूल गोळा करणे, त्यांची नोंद ठेवणे, पिकांची नोंद घेणे, इ महत्वाचे काम करावे लागते याचबरोबर नैसर्गिक संकटाच्या वेळी शासनास माहिती देणे यात झालेल्या नुकसानीचे पंचनामे करणे, सरकारी जागेवरील अतिक्रमण काढणे, निवडणूक काळात शासनास सहकार्य करणे, शासनाच्या विविध योजनांची माहिती नागरिकांना देणे, अवैध गौंणखनिज उपशास प्रतिबंध करणे इ कामे तालाठ्यास करावी लागतात.