मानसिक_हेराफेरी

ब्रेनवॉश ही एक जुलमी पद्धत आहे समोरच्याला काहितरी शिकवायची. बरेचदा काय होते की एखादी गोष्ट, बात, असत्य किंवा घटना समोरच्याला जबरदस्तीने सांगितली जाते आणि ती सत्यच आहे असं त्याला ठासुन ठासुन सांगितले जाते.

ब्रेनवॉश इथेच थांबत नाही. जी गोष्ट सत्य म्हणुन मनवायची असते ती त्या व्यक्तीला पुन्हा पुन्हा ऐकवली आणि दाखवली जाते. आणि त्या गोष्टींचा उलगडा करणारे इतर स्त्रोत पुर्णपणे बंद केले जातात.

उदाहरणार्थ..

मला तुम्हाला असं पटवुन द्यायचे आहे की मी पाण्यावर चालु शकतो. मग मी तुम्हाला पाण्यावर चालता येत ते कसं आणि पाण्यावर चालणारे व्यक्ती दाखवेल. तुम्हाला पुन्हा पुन्हा सांगेल. पुस्तकातून वाचुन दाखवेल आणि खुपसारे संदर्भ देईल.

तुम्ही स्वताः काही संशोधन करण्याचा प्रयत्न केला तर मी त्याला खोट दाखवून देईल. म्हणजे आपली सगळ्या बाजुने विचारांची कोंडी होईल आणि एकवेळ आपण म्हणणार "बरं बाबा तुझं खरं"..त्याला ब्रेनवॉश म्हणतात.

मूळ मतांचा त्याग करून नवीन मते स्वीकारण्यास भाग पाडण्याची एक पाशवी पद्धत, या पद्धतीलाच 'ब्रेनवॉश' असे म्हणतात.