🤔 _*फटाके वाजवताना काय काळजी घ्यावी?*_
---------------------------------
▪ माेठ्या व्यक्तींच्या देखरेखीखाली अाणि घरापासून दूर माेकळ्या जागेत फटाके उडवावेत.
▪ फटाके उडवताना जवळच पाण्याची किंवा वाळूची बादली भरून ठेवावी.
▪ फटाके उडवताना आजूबाजूला कोणी प्राणी नाही ना याची खात्री करून घ्या, कारण प्राणी फटाक्यांना खूप घाबरतात.
▪ रॉकेटसारखे उंच उडणारे फटाके आणले असतील तर ते इमारतीच्या गच्चीत किंवा मैदानात अथवा मोकळ्या जागीच लावा. कारण रॉकेटसारखे फटाके पटकन कोणाच्याही घरात घुसतात.
▪ फटाके उडवायला जाताना लांब ओढणीचे, नायलॉनचे, सिल्कच्या झब्ब्यासारखे कपडे घालणं शक्यतो टाळाच. कारण फटाके उडताना एखादी ठिणगी जरी त्यावर पडली तरी त्यामुळे आपल्याला हानी होऊ शकते. शक्यतो सुती कपडे घालावेत.

💁‍♂ _*खास मोठ्यांसाठी काही सूचना*_

👉 तेलाचे दिवे मुलांचे हात पाेहोचू नये अशा आणि लाकडी सामान, पडदे व इतर ज्वलनशील वस्तू असणार नाहीत अशा ठिकाणी ठेवावेत.
👉 झाेपायच्या अाधी दिवे विझवण्याचे लक्षात ठेवा.
👉 नेहमी मेणबत्ती स्टँडचा वापर करा. मेणबत्ती बाटलीवर किंवा पुस्तकावर ठेवू नका.

🧐 _*फटाके उडवताना 'हे' करा*_

▪ हात ताठ सरळ ठेवून फटाके लावा. फटाका आणि तुमच्यातलं अंतर वाढेल.
▪ एखादा आग लागल्यासारखा अपघात झालाच तर प्रथम ती आग विझवा, जळालेले कपडे काढा. जखमीला ब्लॅंकेट किंवा बेडशीटमध्ये लपेटा.
▪ फटाके फोडायला जाताना चपला घालूनच जा.
▪ आल्यावर हात स्वच्छ साबणाने धुवा.

🧐 _*फटाके उडवताना 'हे' करू नका!*_

▪ फुलबाजा किंवा अन्य कोणताही फटाका जळत-जळत घरापर्यंत आणू नका.
▪ खिशात फटाके बाळगू नका.
▪ अर्धवट जळालेल्या फटाक्यांपासून नवीन फटाके तयार करू नका.
फटाक्याने भाजले तर काय करावे....?
फटाक्याने त्वचा जळाली तर काय करावे?
  --------  -----^--------^ 
💥

*🎇फटाके उडवतांना घ्या ही काळजी!*
-----------------------------^-------

दिवाळी जसा दिव्यांचा सण आहे तसाच दिवाळीत फटाक्यांची मजाही काही औरच असते. पण हे फटाके उडवतांना जरा काळजी घ्यावी... ध्वनी प्रदूषण आणि वायूप्रदूषण करणारे फटाके टाळावेच... फटाके उडवत असाल तर विशेष काळजी घ्यावी म्हणजे दिवाळीचा मनमुराद आनंद घेता येईल.

*👉फटाके उडवितांना ही काळजी घ्या -*

# फटाके उडविण्यासाठी शक्यतो मोकळ्या जागेचा वापर करा.

# फटाके उडवितांना शक्यतो सुती कपडे वापरावेत. कारण सुती कपडे लवकर पेट घेत नाहीत.

# गाड्यांजवळ फटाके उडवू नका. कारण गाड्यांजवळ ऑईल, पेट्रोल सांडलेलं असतं. या वस्तू लगेच पेट घेऊ शकतात.

# विजेच्या डिपीजवळ फटाके उडवणं टाळा.

# मोठा आवाज होणाऱ्या फटाक्यांपेक्षा शोभेचे आणि आसमंत उजळून टाकणारे फटाके वापरा.

# सुरसुऱ्या, फुलभाज्या विझल्यानंतर त्या पाण्यात टाकाव्या. त्या इतरत्र टाकल्यास इतर कुणाचा पाय पडून भाजण्याची शक्यता असते.

*👉जर फटाके उडवतांना काही दुर्घटना घडलीच तर हे उपाय करा -*

# दुर्घटनाग्रस्त व्यक्तीला लवकरात लवकर डॉक्टरकडे घेऊन जा.

# भाजलेल्या भागाचा त्रास कमी होईपर्यंत थंड पाण्याखाली धरा.

# जर जखम गंभीर स्वरूपाची असेल तर घरगुती उपाय करण्याच्या फंदात न पडता दवाखाण्यात जावं.

# जर कुठे आग लागली असेल तर ती विझविण्यासाठी जाड पोते अथवा जाड चादरीचा वापर करावा.
__________________________________
👨🏻‍⚕ _*त्वचा भाजल्यावर करा हे घरगुती उपाय*_


🔥 _गरम पाणी पडल्याने किंवा पेटल्याने वा गरम भांड्याला हात लागल्याने आपण भाजले जातो. भाजल्यामुळे जखमही होतात. कधी हे भाजणं साध असतं तर कधी गंभीर रूप धारण करतं. जखम तीव्र, मध्यम किंवा तीव्र रक्तस्त्रावी असते._

⬇ *भाजल्यानंतर ही काळजी घ्या:*

● जखमेवर बर्फ लावण्याऐवजी भाजल्याबरोबर त्यावर पाण्याची धार सोडा. हे शक्य नसल्यास एका भांड्यात थंड पाणी घेऊन त्यात जखमी भाग बुडवून ठेवा.

● तूप, तेल, टूथपेस्ट किंवा कोणताही तरल पदार्थ जखमेवर लावू नये. त्याऐवजी एखादं अॅटीबायोटिक क्रीम लावावं.

● भाजलेल्या भागाला कापूस किंवा कापडाने झाकू नये.

● जखमेवरील फोड फोडू नये.

● जखमेत जंतूसंसर्ग झाला असल्यास लगेच डॉक्टरांचा सल्ला घ्या.

⬇ *काही घरगुती उपाय*

● कोरफडीच्या गरामध्ये जखम बरी करण्याचे गुणधर्म असतात. जखमेमुळे त्वचेचा दाह होत असेल तर हा गर त्यावर लावावा.

● फ्रीजमध्ये ठेवलेली टी बॅग काही काळ जखमेवर दाबून धरा. याने वेदना आणि दाह कमी होईल.

● गरमऐवजी गार पाण्याने अंघोळ करा.

● व्हिनेगर आणि पाण्याचा मिश्रणात कापूस किंवा कापड बुडवून त्याला जखमेवर काही काळ दाबून ठेवा. नंतर जखमी भाग वाहत्या पाण्याखाली धरा.

📍 *हे उपाय साध्या जखमेसाठी असून भाजल्याचे स्वरूप तीव्र असल्यास लगेच डॉक्टरांचा सल्ला घ्या.*